Lıtvadaǵy «Qazaqstandyq kıno kúnderi» sheńberinde qoıylǵan fılmdi resmı tulǵalar, Parlament depýtattary, iskerlik jáne akademııalyq toptar ókilderi, mádenıet qaıratkerleri, sondaı-aq Lıtvada tirkelgen dıplomatııalyq korpýs basshylary tamashalady.
Festıvaldiń ashylý saltanatynda sóılegen sózinde Lıtvadaǵy Qazaqstan Elshisi Vıktor Temirbaev nátıjeli iske asýdaǵy «Rýhanı jańǵyrý» baǵdarlamasy men Elbasynyń «Uly dalanyń jeti qyry» atty maqalasynyń arqasynda eldiń mádenı-tarıhı áleýeti damýynyń dınamızmin atap ótti.
Budan basqa, qazaqstandyq dıplomat Qazaqstan men Lıtva, ásirese jańa býyn ókilderiniń arasyndaǵy mádenı dıalogty tereńdetýdiń qajettiligin alǵa tartty.
«Anaǵa jol» kórinisi qazaqstan halqynyń tarıh betindegi qıyn kezeńderdegi tabandylyǵymen jáne bıik rýhymen lıtvalyq kórermenderdi tańqaldyrdy.
«Qazaqstandyq kıno kúnderi» aıasynda Lıtvanyń eń úlken úsh qalasynda (Vılnıýs, Kaýnas, Klaıpeda) bárimizge súıikti bolǵan jáne álem sahnalaryn moıyndatqan, sondaı-aq qazaqstandyq kınomatografııanyń jańa týyndylary «Anaǵa jol», «Shal», «Talan», «Almas qylysh», «Jaýjúrek myń bala», «Kúltegin» anımasııalyq fılmi jáne t.b. kınolar kórsetiledi.
«Lıtvadaǵy Qazaqstandyq kóktemniń» sharalary arasynda qazaqstandyq-kanadalyq «Equus: jylqy tarıhy» derekti fılminiń kórsetilimin, Vılnıýs ýnıversıtetindegi «Arqaıym» neo-etno-folk tobynyń konsertin, Lıtvanyń úsh qalasynda jáne Latvııa astanasynda ótetin qazaqstandyq sýretshi Raýza Eralıevanyń kórmesin, sonymen qatar qazaq ulttyq oıyny toǵyzqumalaqtan Vılnıýste bolatyn jarysty atap ótken jón.