Bul týraly búgin QR Prezıdenti Qasym-Jomart Toqaev tvıtterdegi paraqshasynda jazdy.
«Búgin Dúnıejúzilik densaýlyq kúni. Bıyl bul kún halyqty jappaı densaýlyq saqtaý qyzmetimen qamtý taqyrybyna arnalyp otyr.Qazaqstanda densaýlyq saqtaý salasyna respýblıkalyq bıýdjetten 1trln 180 mlrd teńge bólingen. Kóp shara atqarylyp jatyr, onyń ishinde, TMKKK aıasyndaǵy jumystar da bar. Degenmen, bul jetkiliksiz», dep jazdy Prezıdent.
Sondaı-aq, Q.Toqaev óńirlerdegi medısınalyq qyzmetterge de toqtaldy.
«Áli kúnge deıin aımaqtarda qarapaıym medısınalyq qyzmet alýda qıynshylyqtar bar. Bul baǵyttaǵy jumystardy jalǵastyra berý kerek. Azamattardyń densaýlyǵyn saqtaý máselesi meniń jiti baqylaýymda», dedi ol.