– Elbasy medısınalyq qyzmet kórsetýdiń sapasyn arttyrýda birqatar tapsyrmalar berdi. Bizdiń saparymyzdyń maqsaty – úsh máseleni, ıaǵnı, ýchaskelik dárigerlerdiń jalaqysynyń ósýi, aýrýlardy basqarý baǵdarlamasy jáne medısınalyq saqtandyrý júıesindegi ózgeristerdi mamandarǵa túsindirý. Elbasy Joldaýyndaǵy taǵy bir tapsyrmaǵa sáıkes bıyl «Halyq densaýlyǵy jáne densaýlyq saqtaý júıesi týraly» kodekstiń jobasy daıyndalýda. Osyǵan sáıkes, elimizdiń túkpir-túkpirindegi medısınalyq mekemelerdiń jumysymen tanysyp, týyndap jatqan máseleler saralanady,- dedi DSM jaýapty hatshysy Bolat Tókejanov.
Jumysshy top qaladaǵy basqa da medısınalyq mekemelerdiń jumysymen tanysyp, dıagnostıkalyq ortalyqta medısınalyq qyzmet kórsetý standarty syndy birneshe taqyryptar boıynsha semınarlar ótkizdi.