Qylmystyń jeńili, paranyń usaǵy bolmaıdy

Qylmystyń jeńili, paranyń usaǵy bolmaıdy

Sársenbi, 11 sáýir 2012 7:05

Elbasy Nursultan Nazarbaev­tyń «Áleýmettik-ekonomıkalyq jańǵyrtý – Qazaqstan damýynyń basty baǵyty» atty bıylǵy Joldaýynda qarjy polısııasy organdaryna jemqorlyqqa qarsy jańa strategııa ázirleýdi jáne onda jańa joldar men tetikterdi qarastyrý jónindegi tapsyrmasy bizge jańa mindetter júktep otyr. Agenttik Tóraǵasy R.Tú­­­sipbekovtiń sybaılas jemqorlyq pen «kóleńkeli» ekonomıkanyń aldyn alý, qarsy turý jáne kásipkerlik sýbektilerin qorǵaý sııaqty strategııalyq mindetterdi naqtylap berýi de iske ózgeshe sıpat berýde.

 

Sársenbi, 11 sáýir 2012 7:05

Elbasy Nursultan Nazarbaev­tyń «Áleýmettik-ekonomıkalyq jańǵyrtý – Qazaqstan damýynyń basty baǵyty» atty bıylǵy Joldaýynda qarjy polısııasy organdaryna jemqorlyqqa qarsy jańa strategııa ázirleýdi jáne onda jańa joldar men tetikterdi qarastyrý jónindegi tapsyrmasy bizge jańa mindetter júktep otyr. Agenttik Tóraǵasy R.Tú­­­sipbekovtiń sybaılas jemqorlyq pen «kóleńkeli» ekonomıkanyń aldyn alý, qarsy turý jáne kásipkerlik sýbektilerin qorǵaý sııaqty strategııalyq mindetterdi naqtylap berýi de iske ózgeshe sıpat berýde.

Atap aıtsaq, búginde oblys boıynsha qarjy polısııasy de­partamenti qyzmetkerleriniń bas­ty nazary aqsha bopsalaý jáne bıýdjet qarajatyn urlaýmen jú­ıeli túrde aınalysatyn tulǵa­lar­dy qylmystyq jaýapker­shi­likke tartýǵa baǵyttalyp otyr. Qylmystyq tabystardy jasyrý jáne olardy elden shyǵarýǵa qarsy kúres, sondaı-aq jalǵan kásiporyndar qyzmetiniń jolyn kesý de umyt qalmaıdy.

Jemqorlyq qylmystardyń eń kóp taralǵan túri para alý bolyp sanalady. Mysaly, ótken jyly para alý faktisi boıynsha bizdiń departament qyzmetkerleri 17 qylmystyq is qozǵaǵan. Aıtalyq, oblysta ornalasqan áskerı bó­lim­niń janar-jaǵarmaımen qam­ta­­masyz etý qyzmetiniń bastyǵy kapıtan A.Tólegenovten tártip­tik jaza sharalaryn qoldanbaý úshin Jambyl, Almaty jáne Ońtústik Qazaqstan oblystary boıynsha «Ońtústik» óńirlik áskerı qolbasshylyǵy basqarma­synyń janar-jaǵarmaımen qam­ta­masyz etý qyzmetiniń bastyǵy kapıtan B. Isaev jalpy somasy 120 myń teńge para alý kezinde ustaldy. Sóıtip ol áskerı sot­tyń úkimimen 6 aıǵa bas bostan­dyǵynan aıyryldy.

Para alýmen birge para berý de qylmys bolyp tabylady. Búginde oblysta para berý deregi boıynsha 15 qylmystyq is qoz­ǵalǵan.  Atap aıtqanda, Jambyl, Qyzylorda jáne Ońtústik Qazaq­stan oblystary boıynsha «Oń­tústik» óńiraralyq kóliktik ba­qylaý ınspeksııasy memlekettik mekemesiniń oblys boıynsha fı­lıalynyń bastyǵy Ǵ. Taıshybekov birneshe ret oblystyq qarjy polısııasy departamentiniń bó­lim bastyǵyna jalpy qamqor­shylyq úshin somasy 6 myń AQSh dollary kóleminde para berý kezinde ustalyp, oǵan qatysty birneshe qylmystyq is qozǵaldy.

Qoldanystaǵy qylmystyq zańdarda qyzmettik ókilettigin teris paıdalanýdyń eń úlken jazasy 8 jyl bolsa da, qylmystyń osy túri qoǵamǵa qaýipti jáne kóp taralǵandardyń biri bolyp otyr. Osyndaı derekter boıynsha ótken jyly departament qyz­metkerlerimen 40 qylmystyq is qozǵalǵan. Mysalǵa, Baızaq aýdany ákiminiń qurylys bólimi bastyǵy O. Myrzadáýletov «Aýyz sý» memlekettik baǵdarla­ma­syn júzege asyrý barysynda qyz­met ókilettigin teris paıda­lan­ǵan. Atalǵan laýazym ıesi sot úkimimen 2 jylǵa bas bostan­dy­ǵy­nan aıryldy. Memleketke kel­ti­rilgen 8,5 mln. teńgeden asa zalal óndirildi.

Sybaılas jemqorlyqqa negiz bolatyn «kóleńkeli» ekonomıkamen kúresý de departament qyz­metinde basty baǵyttardyń biri bolyp tabylady. О́tken jyly eko­nomıkalyq salada 334 qy­l­mys­tyq is qozǵaldy. Osy baǵytta departament jedel qyzmet­teri­niń negizgi kúshi jalǵan kásip­kerlik, qylmystyq jolmen ta­byl­ǵan mú­likti zańdastyrý jáne terrorıstik uıymdardy qarjy­landyrý fak­tilerin anyqtap, olar­dyń jolyn kesýge jumyl­dyrylýda.

Elbasy N. Nazarbaevtyń Qa­zaq­stan halqyna arnaǵan Joldaýynda azamattardyń konstıtý­sııa­lyq quqyqtarynyń saqtalýyna quqyq qorǵaý organdarynyń kúsh salýy qajettiligi basa aıtyldy. Sondyqtan, biz memlekettiń jáne qoǵamnyń árbir azamatynyń zań­dy múddelerin qorǵaý jolynda ter tóge beremiz. Budan bylaı qu­qyq qorǵaý organdarynyń qyz­meti halyqtyń  senimine  ıe  bolý  deńgeıimen ólshenetin bolady.

Jaqynda Agenttik Tóraǵasy­nyń nusqaýymen qarjy polısııasynda qaramaǵyndaǵy qyzmetker jemqorlyq faktisimen ustalǵan jaǵdaıda, basshysynyń jumys­tan bosatylý erejesi engizildi. Bul oraıda qatarymyzdyń pıǵy­ly teris qyzmetkerlerden taza bolýy óte mańyzdy. Sondyqtan, óz ishimizdegi zań buzýshylyqtar men jemqorlyqqa qarsy kúres –  halyqtyń júrek qalaýy dep túsinemiz.

Serik О́TEMBAEV, Jambyl oblysy boıynsha qarjy polısııasynyń bastyǵy.

Jambyl oblysy.