Baıqaý 8-23 sáýir aralyǵynda aspaptyq solo, aspaptyq ansambl – klassıka, halyq aspaptary, hormen án aıtý, estradalyq án aıtý, vokaldyq ansambl, halyqtyq án aıtý, halyq bıi, zamanaýı bı, poezııa, teatr, fotosýret, beıneleý óneri, erekshe janr sııaqty 14 nomınasııa boıynsha ótedi. Saltanatty ashylý rásimin «Horeografııa» janrynyń konkýrstyq baǵdarlamasy jalǵastyrdy. 50-den astam bilim berý uıymy 8-11 jas, 12-14 jas, 15 jas jáne odan joǵary jas sanattarynda «Halyq bıi» nomınasııasyna qatysady.
«Shattyq-2019» tujyrymdamasynyń negizi retinde «Uly dalanyń jeti qyry» atty maqala alyndy, onda Nursultan Nazarbaev: «Uly dalanyń folklory men áýenderi qazirgi zamanǵy sıfrlyq formatta» shyrqalýy qajet ekenin atap ótken bolatyn. Konkýrs «Jańa dáýir – jańa kózqaras» uranymen ótedi. Bıyl «Shattyq» baıqaýynyń óz jańalyǵy bolýy múmkin. Qatysýshylar teatralızasııa, vızýalızasııa jáne basqa da quraldardy paıdalana otyryp, óz shyǵarmashylyǵyn jańa baǵytta usynady.
«Mysaly, álemge áıgili mýzykalyq shyǵarma jańa ınterpretasııada oryndala alady, sonymen qatar, áýen ózindik vızýalızasııa arqyly jańa formaǵa ıe bolady», – dep túsindirdi Oqýshylar saraıynyń áleýmettik jobalar ádistemelik ortalyǵynyń meńgerýshisi Natalıa Krasnoshtanova. Baıqaý 23 sáýirde «Qazaqstan» OKZ sahnasyndaǵy gala-konsertpen aıaqtalady.