Qyzylorda qalasy «Muz aıdyny» sport kesheninde paradzıýdodan eresekter arasynda halyqaralyq týrnır bastaldy. Bul týraly Qyzylorda qalasy ákimdiginiń baspasóz qyzmeti habarlady.
Qyzylorda oblysynda alǵash ret uıymdastyrylatyn dúbirli básekege Amerıka Qurama Shtattary, Birikken Arab Ámirligi, Grýzııa, О́zbekstan, Reseı, Rýmynııa, Ońtústik Koreıa jáne Qazaqstan elderiniń paradzıýdoshylary qatysady.
Jarys erler arasynda 8 salmaqta (-60, -66, -73, -81, -90, -100, +100 keli), áıelder arasynda 2 salmaqta (-57, +70 keli) ótedi.