Shvesııanyń Qazaqstandaǵy Elshiligi 2010 jyly ashyldy. 2017 jylǵy qazannan beri Shvesııanyń Qazaqstandaǵy Elshisi – Mats Foıer. 2004 jyly qazanda ekijaqty qatynastardyń tarıhynda alǵashqy ret Qazaqstannyń Tuńǵysh Prezıdenti – Elbasy Nursultan Nazarbaevtyń Shvesııaǵa resmı sapary boldy. Sońǵy jyldary Shvesııanyń úkimettik jáne iskerlik toptary Qazaqstanmen saýda-ekonomıkalyq yntymaqtastyqty nyǵaıtýǵa úlken qyzyǵýshylyq tanytýda. 2015 jyly Shvesııanyń Úkimeti Qazaqstandy shved ónimin eksporttaý úshin 26 basym elderdiń tizimine engizdi. Shvesııa Qazaqstannyń Soltústik Eýropa memleketteriniń ishindegi basty saýda áriptesi bolyp keledi. 2018 jyly eki el arasyndaǵy saýda aınalymy 448,4 mln. AQSh dollaryn, sonyń ishinde, Qazaqstannan eksport – 305,2 mln., al Shvesııadan ımport – 143,2 mln. dollaryn qurady. Qazirgi kezde Qazaqstanda densaýlyq saqtaý, telekommýnıkasııalyq tehnologııalar, energetıka men qorshaǵan orta, kólik, bilim berý jáne t.b. salalarda qyzmet isteıtin shved kompanııalarynyń 30-dan astamy usynylǵan. Olardyń ishindegi 15 kompanııa Qazaqstandaǵy ózderiniń ókildikterin Ortalyq Azııanyń basqa memleketterinde bıznes júrgizý úshin qoldanady. Qazaqstanda Shvesııanyń Ericsson, Volvo, Scania, ABB, Atlas Copco, Electrolux, Oriflame, H&M sııaqty iri kompanııalary qyzmet etedi. Al, Ericsson kompanııasy Qazaqstandaǵy uıaly baılanysty qamtamasyz etetin qurylǵylardyń úlken bóligin quraıdy. Qazaqstandyqtar kúnde sút, shyryn ishetin Tetra Pak qaptamasy Shvesııada shyǵarylǵan.
Qazaqstan men Shvesııa arasyndaǵy dıplomatııalyq qatynasqa - 27 jyl
2312 ret
kórsetildi
Qazaqstannyń Stokgolmdegi Elshiligi 2013 jyly ashyldy. Elimizdiń Shvesııadaǵy birinshi Elshisi – Dastan Eleýkenov boldy. 2019 jylǵy sáýirden bastap Qazaqstannyń Shvesııadaǵy Elshisi – Qaırat Ábdirahmanov. Bul týraly SIM baspasóz qyzmeti habarlady.