Bul jumystardy júzege asyrý maqsatynda Shymkent ákimdigi men «Rahat-Shymkent» JShS arasynda jańa jumys oryndaryn ashýdy kózdegen yntymaqtastyq memorandýmy túzildi. Memorandým Qazaqstan Respýblıkasy men Koreıa Respýblıkasy arasyndaǵy bıznestiń básekege qabilettiligin arttyratyn mańyzdy mehanızm bolyp tabylady. Sonymen qatar tyǵyz kommersııalyq baılanysty damytý arqyly eki jaqty ınvestısııalardyń kólemin ulǵaıtý jáne tehnologııalardyń transferti úshin negiz bolmaq.
Shymkent qalasy ákiminiń orynbasary D.Jýmın ındýstrııalyq-ınnovasııalyq damytýdyń 2015-2019 jyldarǵa arnalǵan memlekettik baǵdarlamasy aıasynda iske qosylǵan «Rahat-Shymkent» JShS-niń jumysymen tanysty. Kásiporyn jumysshylarymen kezdesip, fabrıkanyń qala ónerkásibin damytýda aıryqsha úlesi bar ekenin atap ótti.
«2001 jyldan beri jumys istep kele jatqan fabrıka TMD, Eýropa, Qytaı jáne Mońǵolııa elderi úshin ónim óndiredi. Bul otandyq ónimniń álemdik standarttarǵa saı ekenin kórsetedi», - dedi D.Jýmın.
Tolyqtaı sońǵy úlgidegi qondyrǵylarmen jabdyqtalǵan zaýyt búginde 30-dan astam ataýmen 4 túrli ónim óndiredi. Fabrıkada 2018 jyly 9 mlrd teńge bolatyn 21 myń tonna ónim shyǵarǵan.