Nur-Sultan qalasynda alǵash ret ploggıng aksııasy ótti dep habarlaıdy elorda ákimdiginiń resmı saıty.
Ploggıng – júgirý men tazalyqty ushtastyrý arqyly ekologııaǵa qamqorlyq tanytýdyń bir túri. Naýqanǵa jas shamasy men sporttyq daıyndyǵyna qaramastan barlyq nıet bildirýshiler atsalysty. Shara qalanyń bes núktesinde «Jeruıyq» saıabaǵy, Botanıkalyq baq, Ortalyq jáne Trıatlon saıabaqtarynda, sondaı-aq Kenesary eskertkishi mańynda uıymdastyryldy.
Aksııa uıymdastyrýshylarynyń habarlaýynsha, qala turǵyndary 300 qap qoqys jınady. Suryptaýdan keıin qaıta óńdeýge plastıkalyq jáne shyny qutylar, alıýmınıı bankalar men karton irikteldi. Esterińizge sala keteıik, «Meniń qalam – taza qala» aksııasy «Sparta Astana», «Biz taza el úshin» ekologııalyq qozǵalystary men «Sparta Astana» klýby jáne Nur-Sultan qalasy ákimdiginiń qoldaýymen ótti.