Mońǵolııa astanasy Ulan-Batyrda erkin jáne áıelder kúresinen «Mongolia Open-2019» týrnıri aıaqtalyp, Qazaqstan komandasy 1 altyn, 2 kúmis jáne 1 qola medal jeńip aldy dep habarlaıdy Olympic.kz.
61 kelidegi Vladımır Kýdrın fınalǵa deıin súrinbeı, aqtyq synda úsh dúrkin Reseı chempıony, Eýropa oıyndarynyń jeńimpazy Aleksandr Bogomoevqa ese jiberdi.
Erkin kúresten 79 keli salmaqtaǵy fınaldyq synda eki qazaq balýany kezdesti. Aıdar Baldanbaev pen Jiger Zakırov arasyndaǵy beldesýde Baldanbaev jeńiske jetti. Al Zakırov jaraqatynan soń endi babyna enip keledi.
Al áıelder kúresinen synǵa túsken Elmıra Syzdyqova (76 keli) qola júldeger atandy.
Eske sala keteıik, erkin jáne áıelder kúresinen komandanyń negizgi bóligi Qytaıda ótetin álem chempıonatyna daıyndalýda.