Kelisim 2018 jylǵy 7 maýsymda Beıjińde jasaldy.
Negizdemelik kelisimge sáıkes taraptar Qytaıdyń Eksporttyq-ımporttyq banki Qazaqstan Úkimetine Qazaqstan Respýblıkasy Qarjy mınıstrligi arqyly bes jyl jeńildikti merzimdi qosa alǵanda 20 jyl merzimge 2% jyldyq paıyzdyq mólsherlememen jalpy somasy 2,062 mlrd qytaı ıýanynan aspaıtyn jeńildikti kredıt beretini týraly ýaǵdalasty. Kredıt «Eýrazııalyq ekonomıkalyq odaqtyń kedendik shekarasynyń Qazaqstandyq ýchaskesinde ornalasqan ótkizý pýnktterin jańǵyrtý jáne tehnıkalyq tolyq jaraqtandyrý» jobasyn iske asyrýǵa arnalǵan.
Budan basqa, Negizdemelik kelisimde Qytaı Halyq Respýblıkasynyń Úkimeti tikeleı kredıtorǵa tóleıtin kredıt boıynsha paıyzdardy sýbsıdııalaýǵa arnalǵan shyǵystar týraly ereje kózdelgen. Bul ereje kredıt boıynsha beriletin 2% jyldyq paıyzdyq mólsherleme banktiń shyǵyndaryn jappaıtynymen negizdelip otyr. Sýbsıdııalaýdyń barlyq sharttary men mólsherlemelerin Qytaı Halyq Respýblıkasynyń Úkimeti jáne Eksporttyq-ımporttyq banki óz aralarynda, Kredıtor men qaryz alýshy arasyndaǵy negizdemelik kelisimdi qozǵamaı qaraıdy.
Tutastaı alǵanda, jeńildikti kredıt toǵyz avtomobıl jáne bir temirjol ótkizý pýnktin jańǵyrtý bóliginde jobalaý-smetalyq qujattamany ázirleýge, tıisti jabdyqty berýge, qurylys-montajdaý jumystaryn, sondaı-aq ınjenerlik jelilerdi tartý jumystaryn júrgizýge baǵyttalatyn bolady. Nátıjesinde kedendik shekarada kedendik baqylaýdy aqparattyq qamtamasyz etýge qol jetkiziledi.
Zań jobasy Palata qaraýyna berildi.