Rýlge otyrǵan múgedek balalardyń ata-analary kóligine aq jalaýsha jáne «Stop autism» logotıpin jáne «Sheksiz álem» sózderin japsyryp aldy. Olar alǵan baǵyt Qostanaı qalasynyń bir shetindegi «Astyqjan» sýpermarketinen shyǵyp, ortalyq Abaı dańǵylymen júrip otyryp, Gagarın kóshesine burylyp, qalanyń ekinshi shetindegi «Qostanaı-plaza» sýpermarketine toqtady. Avtomarafonǵa aýtızmnen zardap shegetin balalardyń 40 ata-anasy qatysty.
«Bul sharany oblysta birinshi ret qolǵa aldyq. Ondaǵy maqsatymyz jerlesterimizdiń nazaryn aýtızm problemasyna aýdarý boldy. Bizge balalar men ata-analar qajetti kómegin alatyn Qoldaý ortalyǵy kerek. Marafonnan keıin konsert boldy, sodan túsken qarjymen Aýtızm probemasy bar adamdardy qoldaý ortalyǵyn ashý jobasy bastaldy dep esepteımiz.Oǵan qaıyrymdylyq kórsetkisi keletinder bolsa, rekvızıtimizdi beremiz» deıdi aýtızm balalar ata-analarynyń «Stop autism» qoǵamdyq uıymynyń tóraıymy Shynar Jalmuhamedova.
Qostanaı oblysynda aýtızm dıagnozymen týǵan 150-den asa bala bar. Ár ata-ananyń olardy qatardan qaldyrmaı damytýǵa, ózderi de aqparattar alyp otyrýǵa múmkindikteri joq. Shynar Vıktorqyzynyń aıtýynsha, olar ashýǵa talaptanyp jatqan Ortalyq kóp máseleni sheshtin bolady.