Batyr Baıan kóshesinde kóp qabatty turǵyn úıdiń órtenip jatqany jaıly habardy azamattyq qorǵanys serjanty Tańsholpan Aımaǵambet qabyldap alysymen, oqıǵa ornyna shuǵyl túrde eki ekıpaj attanǵan.
Qutqarýshylar kele salyp, órtti eńserýge kirisken. Olardyń qyraǵy kózderi toǵyzynshy qabatta órt shyqqan balkonda jylap turǵan balany baıqap qalǵan. О́rt sóndirýshiler oǵan jedel járdem berýge umtylǵan. Arman Matın, Ashat Jasulanov maıor Danııar Aqjigitovtyń basshylyǵymen jiti qımyldap, órt avtobaspaldaǵy arqyly 30 metr bıiktikten 2010 jyly týǵan balany din aman alyp shyqqan. Oǵan tez arada medısınalyq, psıhologııadyq kómekter kórsetilgen.
Qyzyl jalyndy oqshaýlap, sóndirýge 19 jeke quram men 5 órt sóndirý tehnıkasy jumyldyryldy.