«Qazaqstandyq ındýstrııany damytý ınstıtýty» AQ ındýstrııalyq-ınnovasııalyq qyzmet sýbektilerinen (eksporttaýshylardan) óńdelgen otandyq taýarlardy ilgeriletý shyǵyndarynyń bir bóligin óteý týraly ótinimderdi qabyldaý rásiminiń bastalǵanyn habarlaıdy.
Indýstrııalyq-ınnovasııalyq qyzmet sýbektileriniń taýarlardy ilgeriletý shyǵyndarynyń bir bóligin óteý mynadaı túrler boıynsha júrgiziledi:
1) shetelde jarnamalyq taýarlarǵa baılanysty shyǵyndar;
2) halyqaralyq kórmelerge, jármeńkelerge, festıvalderge tikeleı qatysý quny;
3) shet tilderine aýdarý jáne shetelge taratý úshin mamandandyrylǵan katalogty jarııalaýǵa baılanysty shyǵyndar;
4) sheteldegi ókildikti, bólimsheni jáne qoımany ustaý qunyn;
5) shetelde taýar tańbalaryn (brendin) tirkeýge baılanysty rásimderdi júrgizý shyǵyndary;
6) taýarlardy shetelde sertıfıkattaýǵa baılanysty rásimderdi júrgizýge jumsalatyn shyǵyndar;
7) taýarlardy temirjol jáne (nemese) avtomobılmen (Qazaqstan Respýblıkasy sheginde) jetkizýge baılanysty shyǵyndar.