Mádenıet jáne sport mınıstrliginiń jyldyq kúntizbelik josparyna sáıkes Ulttyq sport qaýymdastyǵynyń uıymdastyrýymen ótetin Jastar arasyndaǵy tuńǵysh Azııa chempıonatynda Qazaqstan, Reseı, Qytaı, Vengrııa, Monǵolııa, Malaızııa, Túrkııa, О́zbekstan, Tájikstan, Aýǵanstan jáne Qyrǵyzstannyń jastar komandalary baq synaıdy. Chempıonattyń bas tóreshisi – QR Ulttyq sport túrlerinen memlekettik bas jattyqtyrýshy Qýanyshbek Quramaev. Sondaı-aq, kókparǵa – Nurdáýlet Momynov, aýdaryspaqqa – Janysbek Saev, teńge ilýge – Ramazan Mahatov, jamby atýǵa – Eldos Badashev bas tóreshi retinde bekitildi.
Aldyn ala bekitilgen baǵdarlamaǵa sáıkes jyldyń ataýly sharasy 6 kúnge sozylady. Sol kúnderi kókpar, aýdaryspaq, teńge ilý jáne jamby atý sportynan túrli-tústi júldeler sarapqa salynady.Al Azııa chempıonattyń jalpy júlde qory 16 000 000 teńgege jýyq qarjyny quraıdy.
Aıta keteıik, Jastar jyly qarsańynda ótetin básekege Túrik yntymaqtastyq jáne úılestirý agenttigi (TIKA) de qoldaý bildirip otyr. Chempıonattyń Bas seriktesi – «Samuryq-Qazyna» ulttyq ál-aýqat qory.