Qyzylorda oblysynan ótken jyly 70 tonnaǵa jýyq maqsary maıy eksporttaldy. Bul týraly Kyzylorda-news.kz habarlady.
Qyzylorda oblysynda aýyl sharýashylyǵy ónimderiniń eksporttyq áleýetin arttyrý jáne ótkizý naryǵyn keńeıtý baǵytynda júıeli jumystar júrgizilip keledi.
Oblystyq aýyl sharýashylyǵy basqarmasynyń dereginshe aımaqta 2013 jyly eksportqa ónimniń 3 túri ǵana shyǵarylsa, búgingi kúnge onyń sany 15-ke jetken.
2018 jyly oblys maqsary maıyn eksporttaýdy bastap, 70 tonnaǵa jýyq ónimin Qytaıǵa jóneltti. Osy jyly da eksport kólemin ulǵaıtý baǵytynda jumystar atqarylýda.