Áljýaz toptardy qoldaý jalǵasady

Jumys tobynyń qura­mynda Eńbek jáne halyqty áleýmettik qorǵaý mınıstri B.Saparbaev, Bilim jáne ǵylym mınıstri K.Shámshı­dınova, Densaýlyq saqtaý vıse-mınıstri L.Aqtaeva, Qu­rylys jáne turǵynúı-kom­mýnaldyq sharýashylyǵy isteri komıtetiniń tóraǵasy M.Ja­ıymbetov bar.

Jumys saparynyń bas­tap­qy orny qurylys ala­ńy boldy, ol jerde «Bala­meken» jobasy boıynsha az qamtylǵan otbasylar úshin 150 úı, onyń 100-i bıýdjet qa­rajaty esebinen, 50-i B.О́te­muratovtyń jeke qory qara­jatynan salynady.

Budan ári G.Ábdiqalyqova B.Saparbaevpen birge 6 balany tárbıelep otyrǵan kóp balaly otbasy Zarına Ham­zatovaǵa bardy. Áńgime barysynda ol basshylyqqa kóp balaly anany jumysqa orna­lastyrýǵa járdemdesýge tapsyrma berdi. 

Kelesi is-shara «Dostyq úıinde» ótti. Osy jerde Úki­met delegasııasy kóp balaly analarmen, az qam­­tylǵan otbasylarmen, eń­bek ardager­leri­men, múge­dektermen, muǵa­lim­­der­men, dáriger­ler­men, qo­ǵam ókilderimen kezdes­ti. Premer-Mınıstrdiń oryn­­­basary memlekettik saıa­sat­tyń túıindi basymdyǵy halyqtyń ál-aýqaty ekenin basa aıtty. Ol úshin búgingi kúni ómir sapasy men deńgeıin arttyrý boıynsha qajetti sharalar qoldanýda. Sonymen qatar basty mindet halyqty ju­myspen qamtý, al áleýmettik ál­jýaz sanattarǵa jan-jaq­ty mem­lekettik qoldaý kórsetiledi. 

Kezdesýde sóz sóılegen­der Elbasynyń jańa áleý­met­tik bastamalaryn qol­daı­­tyndaryn bildirdi jáne áleý­met­tik saıasatty jetil­dirý bo­ıynsha oılaryn ortaǵa saldy. 

Budan ári jumys sapary qala jáne aýdan ákim­deri, kásiporyn, bıznes-qu­rylym jáne kásibı odaq bas­­­shy­larymen jınalyspen jalǵasty. Onda áleýmettik jaýap­kershilikti alǵa tartý, óńir­diń az qamtylǵan jumys­kerleri men turǵyndaryna áleýmettik kómek kórsetý máseleleri qarastyryldy. 

G.Ábdiqalyqova ekonomıka sektorlaryn, bıznes-qo­ǵam­dastyqty memlekettiń áleýmettik saıasatyn iske asyrýǵa belsendi qatysýǵa shaqyrdy. 

Kelesi kezekte Qyzylorda oblysynyń 2016-2019 jyl­darǵa arnalǵan Bilim berý men ǵylymdy damytýdyń memlekettik baǵdarlamasyn is­ke asyrý barysy qaras­ty­­­ryldy. Oblysta 3-6 jas­­­­ta­ǵy balalardy bala­baq­­­sha­men qamtý 100%-dy­ qu­ra­­­dy,­ sońǵy 6 jylda­ 69 bi­lim­­­ berý mekemesi salyn­dy,­ 79% kolledjder dýaldy­ oqy­­tý júıesi boıynsha­ ju­­­mys isteıdi. Vıse-pre­mer­ Bilim jáne ǵylym mı­nıstri­­men óńirdegi bilim be­rý sala­syndaǵy aǵymdaǵy jaǵ­­daıdy, ózekti máselelerdi jáne ony sheshý joldaryn qaras­tyrdy. Budan ári peda­gogtar qaýymyna 1 maýsymnan bastap jalaqyny 30%-ǵa arttyrý jaıy túsindirildi. Sonymen qatar muǵalimniń qoǵamdaǵy bedeli men rólin arttyrýǵa baǵyttalǵan «Pedagog márte­besi týraly» zań­ jo­basy tal­qy­landy.

Premer-Mı­nıstr ­men Eńbek jáne halyq­ty­ áleý­mettik qorǵaý mı­nıstri Qy­zylorda qala­sy­­nyń Ju­myspen qamtý orta­ly­ǵy­nyń jumysyn tek­serdi. Ja­ńa formattaǵy ataý­ly áleý­mettik kómekti ta­ǵaıynd­aý algo­rıtmi tolyq qa­ras­ty­ryl­dy. Jalpy oblys or­ta­ly­ǵynda 2018 jyly ju­mys­pen qamtý sharalarymen 3,6 myń­nan astam adam qamtyl­dy, 7,7 myńnan astam adam ju­mysq­a ornalas­tyryldy, 225 adamǵa kredıtter men granttar berildi. 

О́ńirge jumys saparynyń sońynda G.Ábdiqalyqova azamattardy jeke qabylda­dy. Basshylyqqa Amangeldi Nıtalıevtiń sozylmaly gemodealızge baılanǵan ba­la kezinen múge­dek ulyna ma­terıaldyq kómek kór­setý tapsyryldy. 

О́z kezeginde, K.Shámshı­dınova «Shaǵban» balabaq­shasynyń, «IT-IMAQORDA» balalar tehnoparkiniń, №268 orta mekteptiń jáne «Atameken» otbasylyq úl­gidegi balalar aýylynyń ókil­­derimen birqatar kezdesý ótkizdi. L.Aqtaeva balalar aýrýhanasynyń, №6 em­ha­nanyń dárigerlerimen jáne medbıkelerimen kez­des­ti. Al M.Jaıymbetov Syr­darııa aýda­nyna bardy.

Úkimettik delegasııanyń ju­mys sapary Shymkent qa­­­la­sy jáne Túrkistan obly­synda jalǵasatyn bolady.  Qyzylorda oblysy