Álem tynyshsyz... Ýaqyttyń jegi jeli birde ońynan, birde soldan soǵyp turǵan zaman. El basyna qıly-qıly kún týǵan kezeń az bolmaǵan. О́r Altaı men Atyraýdyń arasyn babalarymyz aq bilektiń kúshi, aq naızanyń ushymen ǵana emes, aqyl-parasatymen qorǵaǵany anyq. Suńqardyń qanaty, tulpardyń tuıaǵy talatyn ulan-ǵaıyr Qazaqııa bizge de, bizden keıingilerge de amanat.
Danagóı Esqoja babamyz:
«Shóbi qýrap, aty tozǵan bel jaman, Arystandy Qarabastan soqqan jel jaman, Ádil tórelikke toqtamaı,Ursysyp ótken el jaman!» – degen eken.
Sol sekildi el prezıdenti Qasym-Jomart Toqaev óz Úndeýinde bul sheshimniń el keleshegi úshin mańyzdy qadam ekenin aıta otyryp, Prezıdent saılaýynyń ádil ótýine kepil bolatynyn bildirdi. Maýsymnyń toǵyzynshy juldyzy – qazaq eliniń kóshbasshysyn tańdap, kerýenin jańa asýlarǵa burar kúni. Bul sheshimdi tereńnen tartqan tektiliktiń nyshany dep bileıik, aǵaıyn!
El aman, jurt tynysh bolsyn!
Ǵalym JAILYBAI,
aqyn, Qazaqstannyń eńbek sińirgen qaıratkeri, Halyqaralyq «Alash» syılyǵynyń laýreaty, «Juldyz» jýrnalynyń bas redaktory