Qazaqstannyń Tuńǵysh Prezıdenti – Elbasy Nursultan Nazarbaevtyń óz ókilettigin Q.Toqaevqa bergen tarıhı kúninen bastap Qazaqstan úshin tarıhı-demokratııalyq damýdyń jańa sapary bastaldy. Bul – ýaqyt talaby. Qazaqstan halqy osynaý saıası jańǵyrýdyń mán-maqsatyn, ıdeıalyq ustanymyn, jalpyulttyq tujyrymyn keń kólemde qoldaı otyryp, el damýynyń eleýli kezeńi, taǵdyrsheshti joly aqyl men paıymǵa, saıası saýattylyq pen sarabdal oıǵa, azamattyq kózqarasqa júginetinine senedi.
Jahandyq jylnamaǵa kóz salsaq, osyndaı asa mańyzdy sátterde kóp el basshysyna ıek artqan, halyq bereke-birlikti tý etip ustanyp, yntymaqtyń yrysqa bastaıtynyn tereń túsingen. Osy turǵydan kelgende, aldymyzda turǵan prezıdenttik saılaý eldiń rýhanı-saıası eseıýiniń, azamattyq turǵydan, memlekettik peıilden ulttyq ujymdasýǵa daıyn ekendigin kórsetedi. El nazary prezıdenttik laýazymǵa laıyqty Qazaqstan azamatyna aýady, qoǵamdyq oıdyń qozǵaýshy kúshi halyqtyń bir maqsatqa umtylǵan muratyn aıqyndap beredi.
Ulttyq rýhanııattyń keńistiginde júrgen árbir zııaly qaýym ókili osy murat jolynda eldiń birligi men tutastyǵyna jaýap beredi degen pikirdemin. Kezekten tys Prezıdent saılaýy Qazaqstannyń jańa jolyn, keler kúnderin nurly beleske alyp shyǵady degen oıdamyn. Tarıhı sátti, tańdaýly kezeńdi úlken úmitpen kútip, osy jolda azamattyq daýsymdy ashyq bildiremin. Bul saılaý árbir qazaqstandyqqa úlken jaýapkershilik, azamattyq borysh júkteıdi. Memleket damýynda memlekettik qyzmet júıesinde uzaq jyldardan beri kele jatqanda baıqalǵan bir aqıqat – Prezıdent saılaýy eldiń bolashaǵy. El bolashaǵy tulǵanyń qolynda, tulǵanyń bolashaǵy – eldiń jolynda!О́tegen ORALBAIULY,
Memlekettik syılyqtyń laýreaty, Qazaqstannyń eńbek sińirgen qaıratkeri