«Aqparattyq júıede turǵyndar úı boıynsha shyǵyndar men tabystardy baqylap, esepteýler men eseptesýdiń durystyǵyn teksere alady. Sonymen qatar, turǵyndardyń óz basqarý organynyń qyzmetine monıtorıng júrgizip, turǵyn úı-kommýnaldyq sharýashylyq máseleleri boıynsha ótinishter berýge múmkindikteri bolady.
Budan bólek, turǵyndar elektrondy daýys bere alady jáne úıdiń barlyq máseleleri boıynsha syrtta júrip te qatysý múmkindigi týady» deıdi R.Sklıar.
Turǵyn úı-qurylys kooperatıvteriniń qyzmetindegi zań buzýshylyqtardy boldyrmaý úshin kooperatıv tek bir kóp páterli turǵyn úı úshin qurylatyn shema usynady, kooperatıv músheleriniń sany páterlerdiń sanynan aspaýy tıis jáne qurylys memlekettik tirkeýden keıin jáne jalǵa alý quqyǵyndaǵy nemese menshik quqyǵyndaǵy jer ýchaskesi bolǵan soń ǵana júzege asyrylatyn bolady.
Zań jobasynda jergilikti atqarýshy organdardyń turǵyn úı ınspeksııasyn áleýmettik ınfraqurylym obektilerinde gazben jabdyqtaý obektileriniń qaýipsiz paıdalanylýyn, sondaı-aq qaýipti tehnıkalyq qurylǵylardy baqylaý jáne qadaǵalaý quzyrettilikterin berý qarastyrylǵan.
Sonymen qatar mınıstr búgingi kúni lıft sharýashylyǵynyń basym bóligi óziniń normatıvtik paıdalaný merziminen asyp ketti. Osy máseleni sheshý úshin lıftilerdi aýystyrý jáne jóndeý jumystaryn qarjylandyrý jergilikti bıýdjet esebinen júzege asyrylatyn bolatynyn aıtty.
«Jańa túzetýlerdi engizý turǵyn úı-kommýnaldyq sharýashylyq sýbektileriniń qarym-qatynastaryn jaqsartady, sondaı-aq ómir súrýge yńǵaıly jáne qaýipsiz orta qurý arqyly halyqtyń turmys sapasyn kóteredi. Joǵaryda atalǵandardy eskere otyryp, Zań jobasyn qoldaýlaryńyzdy suraımyn» dedi R.Sklıar óz sózinde.