Biz, Qazaqstan halqy Assambleıasy Keńesiniń músheleri, etnomádenı birlestikterdiń basshylary, qoǵamdyq kelisim, analar keńesteri, ǵylymı-saraptalyq keńes, «Jańǵyrý joly» jastar qozǵalysy, ǵylymı jáne shyǵarmashyl zııaly qaýym, jýrnalıster klýbtary men Assambleıa buqaralyq aqparat quraldarynyń ókilderi, bul sheshimdi tolyǵymen qoldaımyz.
Bul der kezinde jasalǵan jáne qajetti qadam bolyp tabylady, muny ýaqyttyń ózi talap etip otyr.
Qazaqstandaǵy joǵarǵy bılik eldiń Ata zańyna tolyq sáıkes jaǵdaıda jáne beıbit jolmen aýysty.
Saılaýdy halyqtyń tikeleı erkin bildirý arqyly ótkizý kez kelgen túsiniksiz jaılardy boldyrmaýǵa múmkindik beredi.
Búginde elde ekonomıkany damytý, áleýmettik máselelerdi sheshý, halyqtyń tabysy men ómir sapasyn udaıy arttyrýdy qamtamasyz etý boıynsha aýqymdy baǵdarlamalar iske asyrylýda. Barsha qazaqstandyqtardyń baqýatty ómiri solardyń tıimdi jáne sapaly oryndalýyna tikeleı baılanysty.
Bizdiń bárimizge qoǵamnyń turaqtylyǵy men birligi, erteńgi kúnge degen senimdilik, jumys oryndary, áleýmettik tólemderdiń, eńbekaqynyń, shákirtaqynyń kepildi túrde tólengeni qajet.
Qol jetken jetistikterdi qazirgi kúrdeli jahandyq prosester jaǵdaıynda saqtaý jáne kóbeıtý Elbasynyń strategııalyq baǵytynyń sabaqtastyǵy, júrgizilip otyrǵan teńgerimdi ishki jáne syrtqy saıasatty jalǵastyrý jaǵdaıynda ǵana múmkin ekenin biz naqty túsinemiz.
Bul – ómirsheń qajettilik.
Memleket pen qoǵamnyń tabysty damýyn, tıimdi memlekettik basqarýdy, qaýipsizdik pen turaqtylyqty Qazaqstan Respýblıkasynyń Prezıdenti – el Konstıtýsııasynyń, adam men azamattyń quqyqtary men bostandyqtarynyń kepili qamtamasyz etýi kerek.
Kezekten tys prezıdenttik saılaý halyqty toptastyrý jolyndaǵy patrıottyq akt bolyp, ekonomıkany turaqtandyrýǵa, eldiń qarqyndy damýy men azamattarymyzdyń ıgiliginiń túıindi máselelerin sheshý úshin qajetti azamattyq tatýlyqty, áleýmettik turaqtylyqty qamtamasyz etýge qýatty serpin beredi.
Qazaqstan halqy Assambleıasy prezıdenttik saılaýdyń elimizdegi qoǵamdyq kelisim men jalpyulttyq birlikti odan ári nyǵaıtýǵa qyzmet etetinine senimdi.
Biz bolashaq urpaq aldyndaǵy jaýapkershiligimizdi túsine otyryp, halyq pen eldiń bıik múddelerine súıenip, ózimizdiń azamattyq jáne patrıottyq paryzymyzdy oryndaı otyryp, Qazaqstan Respýblıkasy Prezıdentiniń kezekten tys saılaýy ótkizilýin qoldaımyz.
Biz barsha qazaqstandyqtardy Qazaqstan halqynyń ıgiligi men órkendeýi jolynda, bolashaq urpaqtar úshin jasalyp otyrǵan birden bir durys tańdaý retinde, osy sheshimdi qoldaýǵa shaqyramyz!
Nur-Sultan qalasy,
2019 jylǵy 10 sáýir