Bul týraly Ortalyq saılaý komıssııasy tóraǵasynyń orynbasary Konstantın Petrov habarlady.
Komıssııa otyrysynda ol QR Prezıdentiniń kezekten tys saılaýy jónindegi negizgi is-sharalardyń kúntizbelik jospary saılaý týraly qoldanystaǵy zańnamaǵa sáıkes ázirlengenin aıtty.
«Naýqannyń jekelegen kezeńderiniń uzaqtyǵyn aıqyndaý úshin «Qazaqstan Respýblıkasyndaǵy saılaý týraly» Konstıtýsııalyq zańnyń 66-1-baby negizge alyndy. QR Prezıdentiniń kezekten tys saılaýy jónindegi is-sharalardy ótkizý merzimderin Ortalyq saılaý komıssııasy belgileıdi. Osy josparǵa sáıkes, QR Prezıdentiniń laýazymyna kandıdattardy usyný saılaý taǵaıyndalǵannan kelesi kúni, ıaǵnı 2019 jylǵy 10 sáýirde bastalyp, aǵymdaǵy jyldyń 28 sáýirinde saǵat 18-00-de aıaqtalady», dedi ol.