«Qazaqstan Respýblıkasynyń Prezıdenti Qasym-Jomart Kemeluly Toqaev 9 sáýirde merziminen buryn prezıdenttik saılaý ótkizý týraly jarlyqqa qol qoıdy. Bul sheshimniń óz ýaqytynda jáne oryndy qabyldanyp otyrǵanyna men senimdimin. Prezıdent Jarlyǵy qoǵamda týyndap otyrǵan kóptegen suraqtarǵa jaýap beredi. Qazaqstandyqtar úshin eń qymbat qundylyq – beıbitshilik pen tynyshtyq, ekonomıkalyq turaqtylyq asa qajet. Mine, sondyqtan Qazaqstan qoǵamy Elbasynyń strategııalyq baǵytynyń sabaqtastyǵyn zańdy túrde qamtamasyz etilýin kútýde», dedi D.Nazarbaeva.
Budan soń, ol táýelsizdik jyldaryndaǵy Qazaqstannyń damý modeli men eldegi áleýmettik-ekonomıkalyq turaqtylyq jaıynda sóz etti.
«Aldaǵy saılaý bizdiń halqymyzdyń danalyǵy men kóregendigin taǵy da dáleldeıtini aıqyn. Prezıdenttik saılaý el damýyna tyń serpilis, jańa serpin beretini sózsiz. Prezıdent jarlyǵy osy baǵyttaǵy jumystardy qazirden bastap, kúrdeli problemalardy keıinge qaldyrmaı, shuǵyl sheshýge múmkindik beredi», dedi Parlament Senatynyń Tóraǵasy.
Onyń aıtýynsha, Konstıtýsııalyq zańǵa sáıkes saılaý eki aı merzim ishinde ótkizilýi tıis.
«Saılaý naýqany árqaısymyz úshin asa jaýapty jumystar kezeńi bolyp sanalady. Azamattardyń óz erkin ashyq bildirýi táýelsiz Qazaqstannyń úlken jeńisteriniń biri. Bizdiń ortaq mindetimiz – Qazaqstan Respýblıkasy Prezıdenti saılaýyn ádil, zańdy jáne ashyq ótkizýdi qamtamasyz etý bolyp tabylady», dedi Darıǵa Nazarbaeva.