Arysy – London, berisi Reseıden kelgen sarapshylardyń pikirinen uqqanymyz 2019 jylǵy nazar aýdarýymyz kerek máseleler osy kúnge deıingilerge múldem uqsamaıdy eken. Bulaı dep boljam aıtýǵa 2018 jylǵy ekonomıkanyń barlyq salasyndaǵy baıqalyp qalǵan faktorlar sebep bolyp otyr eken.
Búgingi tańda álemdegi eń basty táýekelderdiń biri ol, - álemdik ekonomıka damýynyń báseńdeýi». Búgin Almatyda bastalǵan «Halyqaralyq rısk-menedjment boıynsha konfrensııada» «Eýrazııa» Saqtandyrý kompanııasy» AQ Basqarmasynyń tóraǵasy Borıs Ýmanov osyndaı pikir bildirdi. Onyń aıtýynsha, jalpy halyq úshin, saqtandyrý kompanııalary úshin eń bastysy - elderdiń turaqty túrde damyp otyrǵandyǵy.
«Eger Qytaıdyń, Eýropanyń ekonomıkasynyń damýy tejeletin bolsa, bul Qazaqstanǵa da ońaı tımeıdi. Iаǵnı, Qazaqstannyń eksportqa shyǵatyn ónimderine: munaıǵa, mysqa, alıýmınııge jáne basqa da ónimderge suranys tómendeıdi. Bul ekonomıkamyzǵa keri áser etedi. Sol úshin búkil álemde óndiris toqtaýsyz damyp otyrýy tıis. Al osyndaı táýekelderden barynsha saqtaný úshin bul atalǵan ónimderden otandyq jańa ónimder shyǵarý kerek», -dedi Borıs Ýmanov.
A.M. Vest reıtıng agenttiginiń basshysy Vasılıs Katsıpıs sıfrly ekonomıkanyń sońy álemdik ekonomıkanyń ıntegrasııalanýyna ulasatynyn aıtty. Bul faktor saqtandyrý nemese saraptama jasaıtyn agentterdiń mindetterin aýyrlatyp, baǵyttaryn ártarapatandyryp jiberipti. Osyǵan deıin saqtandyrý salasynda múlik nemese ómirdi saqtandyrý trend bolsa, endi bul qatardaǵy qubylystardyń birine aınalypty.
«Qazir álem – ıntelektýaldardyń múmkindigine nazar aýdara bastady. Qazirgi trend álemdik aqyl oıdy saqtandyrý. Qazir tipti ǵaryshta júrip te kompbıýrge kirip, derekter bazasynda saqtalǵan tehnologııalyq ıdeıalardy urlap alýǵa nemese ony satyp jiberýge bolady. AQSh nemese London kompanııalary hakerler shabýylynan álemde 4 mlrd akkaýnt joǵalypty.
Qazir sıfrlandyrýdan tóngen qaýip ýaqyt ótkens saıyn eselenip barady. Bul kompanııadaǵy aqparatty tehnologııa salasy mamandarynyń problemesy emes, bárimizdiń problemamyz», -dep atap ótti Vasılıs Katsıpıs. Halyqaralyq konferensııa erteń jalǵasady.
Erteńgi sesssııaǵa álemdik deńgeıdegi sarapshy, Londondaǵy CEO Lloyd's korparasııasynyń eks-basshysy Inga Bıl qatysyp jatyr. Ol búgin tústen keıin ótetin plenarlyq sessııada moderator bolady.