Sondaı-aq, aýdandaǵy aýyl sharýashylyǵy salasyndaǵy ónim kólemi ótken jyly 34,6 mlrd. teńgeni quraǵan bolsa, bıyl 47,2 mlrd. teńgege jetkizý josparlanyp otyr.
«Bıylǵy jyly Keles aýdanynda egiletin egistik kólemi 22 520 gektardy quraıtyn bolady. Onyń ishinde jylyjaı sharýashylyǵyn 12 gektarǵa arttyryp, tamshylatyp sýarý ádisin 287 gektar jerge engiziletin bolady. Jańadan qarqyndy jemis baýyn - 100 gektarǵa, júzim baýyn - 50 gektarǵa jáne 100 gektarǵa jańǵaq baýyn otyrǵyzý kózdelýde», – dedi aýdan ákimi.
Mal sharýashylyǵy salasynda «Altyn asyq» boıynsha – 1588 bas tusaq mal basyn, «Qulan» baǵdarlamasy aıasynda – 123 bıe jáne «Sybaǵa» boıynsha 459 bas sıyr maldary satyp alynatyn bolady. Sonymen qatar, 62 shaǵyn mal bordaqylaý alańdaryn qurylyp, 46 dana aýyl sharýashylyǵy tehnıkalary jańartylatyn bolady.
«Indýstrıaldy ınnovasııalyq damý» baǵdarlamasy sheńberinde 2018 jyly quny 250 mln. teńge bolatyn 1 joba iske asyrylyp, 30 jumys orny ashylǵan bolsa, 2019 jyly quny 738,4 mln. teńge bolatyn 4 joba iske asyrý josparlanýda. Jańadan 135 jumys orny ashylatyn bolady.
«Aýdanǵa ótken jyly barlyǵy 5 mlrd. 646 mln. teńgeniń ınvestısııasy tartylyp, ótken jyldyń tıisti kezeńimen salystyrǵanda naqty kólemi ındeksi 112,9%-ǵa jetti. 2019 jylǵa aýdanǵa 6 mlrd. 200 mln. teńgeniń ınvestısııasyn tartý mejelenýde», – dedi Aqmentaı Esbaev.
Aýdan boıynsha 2018 jyly barlyǵy 4 mlrd. 696,1 mln. teńgege 23 nysannyń qurylystary júrgizilgen.Onyń ishinde 5 jańa nysannyń qurylysy paıdalanýǵa berildi. 2019 jyly aýdan boıynsha barlyǵy 5 mlrd. 594,6 mln. teńgege 29 nysanǵa qurylys jáne kúrdeli jóndeý jumystary júrgiziletin bolady.
Halyqtyń ınfraqurylymdar qol jetimdiligi eldi mekenderge shaqqanda tabıǵı gazben qamtý úlesin 2019 jyly 65 %-ǵa jetkizý, aýyz sýmen qamtý boıynsha 60,7 paıyzǵa jáne sapaly elektr qýatymen qamtýda 72,3 paıyzǵa deıin jetkizý mejelenýde.
«Jumyspen qamtý 2020 jol kartasy» baǵdarlamasy boıynsha naqty 5247 azamat qamtylyp, múmkindigi shekteýli azamattardan 80 adam jumysqa ornalastyryldy. Ataýly áleýmetik kómek jobasymen 3560 otbasy 946,8 mln. teńge áleýmettik qoldaý kórsetilgen.