Qazaqstan Respýblıkasynyń Prezıdenti Qasym-Jomart Toqaev óziniń kemel oıly, keń tynysty kemeńgerligin, sheshimdiligin, biliktiligin taǵy da tanytty. Elimiz úshin taǵdyrly kezeńde halyq kútken sheshim qabyldady. Prezıdenttiń kezekten tys saılaýy 9 maýsymǵa taǵaıyndady. Ǵaryshtyq jyldamdyqpen damyp bara jatqan myna almaǵaıyp zaman, bulyńǵyr kezeńde dara týǵan daryndar ýaqyttyń aldyn orap, jedel áreket jasaıdy. Prezıdenttiń kezekten tys saılaýy týraly Jarlyq sondaı kóregendiktiń keremet kórinisi. Ýaqyt yrǵalyp, jyrǵalýdy kútpeıdi.
Qazaqstan Respýblıkasynyń Prezıdentin saılaý kúnin belgilerde Qasym-Jomart Toqaev Tuńǵysh Prezıdent-Elbasy Nursultan Nazarbaevpen aqyldasyp, qos palatanyń spıkerlerimen, Premer-Mınıstrmen keńesip, partııa jetekshilerimen kezdesip, Konstıtýsııalyq Keńestiń kelisimine júginip, óziniń jeti emes, jetpis ret ólshep bir kesetin sheshimdi, kelisimdi kemeńgerligin taǵy da tanytty.
– Yrys qaıda barasyń?
– Yntymaqqa.
– Baqyt qaıda barasyń?– Birlikke!. – deıdi eskiden jetken esti sóz. Biz yntymaq, birligi jarasqan elmiz. Kóshbasshysy kemeńger, eli eńbekker bolsa, onda alynbaıtyn asý joq.
Halqyn oılaǵan qashanda uly. Bizdiń Elbasymyz N.Á.Nazarbaev ta, Prezıdentimiz Qasym-Jomart Toqaev ta el baǵyna týǵan sondaı tulǵalar! Alla Taǵala Alashqa nuryn tógip tur, mańdaıynan súıip tur. Elimiz aman, jurtymyz tynysh bolsyn! Sábıt DOSANOV,
jazýshy, Memlekettik syılyqtyń laýreaty,
ALMATY