Beıbitshilik. Zańdylyq. Turaqtylyq. Táýelsizdik jyldary bizdiń memleketimizdegi saıasattyń úsh quramdas bóligine aınalǵan osy úsheýi elimizdiń tabysty damýynyń negizi boldy.
Úkimettik emes uıymdar sektory úshin naqtylyq kerek jáne bizdiń tabysymyzdyń saqtalýy kepildendiriletin jaǵdaıda jumys isteý óte mańyzdy.
Árıne, kezekten tys saılaýdyń der kezinde jarııalanǵandyǵy esh kúmán týdyrmaıdy. Munyń ózi bizdiń turaqty bolashaǵymyzdyń, ekonomıka, mádenıet, áleýmettik ómirdiń barlyq salalarynyń ári qaraı ekpindi damýynyń kepili. Sonymen birge saılaýdyń ótkizilýi Qazaqstannyń Ortalyq Azııa óńirindegi kóshbasshy jáne turaqtylyq dińgegi retindegi mártebesin nyǵaıta túsedi.
О́kinishke qaraı, sońǵy kezderi turǵyndardyń keıbir sanaty eldiń qazirgi Prezıdenti Qasym-Jomart Toqaevtyń Qazaqstan Respýblıkasynyń Ata zańynda kórsetilgen belgili shekteýlerdi esepke ala otyryp berilgen ókilettiginiń tolyqtyǵy jóninde qańqý sózderge sene bastady.
Mine, basqa ýaqytta emes, dál qazir Elbasy Nursultan Ábishuly Nazarbaev muryndyq bolǵan baǵdarlamalyq qujattardy iske asyrý tek uzaq merzimge saılanǵan zańdy bılik jaǵdaıynda ǵana sátti jalǵasyn tabady. Al aýqymdy ózgeristerdi qysqa ýaqyt aralyǵynda júzege asyrý múlde múmkin emes.Bizder sııaqty úkimettik emes uıymdar sektory úshin Qazaqstannyń Tuńǵysh Prezıdenti negizin qalaǵan memleket pen azamattyq qoǵam arasyndaǵy tabysty yntymaqtastyqtyń jańa Prezıdent kelgende jalǵasyn tapqany aıryqsha mańyzdy.
Elbasy bastamashy bolǵan jáne elimizdiń árbir turǵynynyń ıgiligi úshin júzege asyrylyp jatqan sharalardyń barlyǵy jańadan saılanǵan prezıdenttiń saıasatynda ıgi jalǵasyn tabýy kerek.
О́ndiristiń ári qaraı ósýine baǵyttalǵan baǵdar, jumys oryndarynyń kóbeıýi mindetti túrde jalǵasýy kerek! Aldaǵy saılaý Elbasynyń kemeńger saıasatynyń, uly bastamalarynyń jalǵasy retinde tanylyp, Qazaqstan halqynyń senimi men qoldaýyna ıe bolatynyna esh kúmán keltirmeımiz!Dmıtrıı POLTARENKO,
«Qazaqstan azamattary» qoǵamdyq birlestiginiń dırektory
QARAǴANDY