Qyzylordalyq jastar A.Toqmaǵanbetov atyndaǵy mádenıet úıinde «Qazaq handyǵy» fılminiń rejısseri, sýretshi, ssenarıst - Rústem Ábdirashpen kezdesti. Jastarmen emen-jarqyn syrlasyp, suraqtaryna jaýap bergen belgili rejısser kıno týraly óz oıyn aıtty.
- Shynynda, aýyz toltyryp aıtatyn úlken sapaly kıno dúnıege keldi. Tek qazaq halqy úshin ǵana emes, basqa tilde sóıleıtin kórermender úshin qyzyqty bolatyndaı jasaldy. Túpnusqasy qazaq tilinde. Sonymen qatar, Sank-Petergbýrgke baryp, oryssha nusqasyn da jasap shyqtyq. Iаǵnı, qazaq tilin bilmeıtin, biraq Qazaqstan tarıhyn bilem degen kórermenge yńǵaıly. Eń bastysy, qazaq tilinde tolyq dýblıaj birinshi ret jasalyp otyr, - dedi QR-nyń eńbek sińirgen qaıratkeri Rústem Ábdirash.
Sondaı-aq, aldaǵy ýaqytta aǵylshyn tilinde de dýblıaj jasaý josparlanýda eken.
Jaqsy suhbat barysynda jastar Rústem Ábdirashtyń rejısserligimen túsirilgen «Qazaq handyǵy. Altyn taq» fılmin tamashalady.
Qyzylorda oblysy