Qazaqstannyń órenderi arasynda eń úzdik nátıje Gennadıı Golovkınge tıesili. GGG orta salmaqtaǵylar arasynda álemdik reıtıngte kósh bastap tur. Dál sol salmaqta judyryqtasatyn Meıirim Nursultanov úsh satyǵa joǵarlap, qazirgi kezde 26 orynǵa taban tiredi. «Qazaq stıli» degen búrkenshik esimde ıelengen Jánibek Álimhanuly 29 satyǵa jaıǵasty. Esterińizge sala keteıik, erteń tań ata ol AQSh-ta óziniń kezekti jekpe-jegin ótkizedi. Eger sol aıqasta jeńiske jetse, úzdik 20 boksshynyń qataryna qosylatyny anyq.
Ekinshi orta salmaqtaǵy Álı Ahmedov 18 oryndy ıelenýde. Jartylaı aýyr salmaqtaǵy Aıdos Erbosynuly 33 satyǵa turaqtady. Birinshi orta salmaqtaǵy Sadrıddın Ahmedov 31 oryndy enshileýde. Al jartylaı orta salmaqtaǵy Batyr Júkenbaev 37 orynnan 18 orynǵa kóterildi.