Kútý rejimi uzaqqa sozylmaýy tıis

Biz, Qaraǵandy oblysynyń medıatorlary 2019 jylǵy 9 maýsymǵa taǵaıyndalǵan Qazaq­stan Respýblıkasy Prezıdentiniń kezekten tys saılaýyn ótkizý týraly Prezıdent Qasym-Jomart Toqaevtyń úndeýin tolyqtaı qoldaımyz. 

Bizdi, psıhologtardy, analı­tıkterdi, azamattardyń proble­malyq máselelerimen jumys isteıtin qoǵam qaıratkerlerin, emosıo­naldyq shıelenisti tómen­detý jáne qoǵamdaǵy qaýipsizdik sııaqty ómirimizdiń asa mańyzdy quramdas bólikteri alańdatady.

Kez kelgen belgisizdik ekige aıyry­lyp turǵan jol toraby ispet­tes. Kútý rejimi uzaqqa sozylmaýy tıis, sebebi bul keleńsiz jaǵdaılarǵa ne bolmasa qoǵamda negizsiz shıelenistiń ósýine ákelýi múmkin.

Memleket basshysy «joǵary bılik turaqty jáne tynysh jaǵdaıda berilgenin» atap ótti. Bul turaqtylyqty saqtap qalý ońaıǵa soqpaıtynyn biz kórshi elderdiń mysalynda kóre alamyz.

Qoǵamdyq-saıası kelisimdi qamtamasyz etý, josparlardy qurý, áleýmettik-ekonomıkalyq damý mindetterin sheshý jáne olar úshin jaýapkershilik alýǵa aıqyndyq qajet.

Elimizdiń qazirgi Prezıdenti saılaý ádil, ashyq, móldir bolady dep jarııalady. Álemdik úderister úlken qarqynmen damıdy jáne de qazirgi belgisizdik – bizdiń elimiz úshin tym qaýipti jáne negizsiz.

Bul sheshimdi der kezinde dana saıasatkerler qabyldaǵan, biz olardyń tájirıbesine se­nip, barlyǵymyz úshin óte mańyzdy máseleni sheshýde ózi­mizdiń aza­mattyq belsen­diligi­mizdi kór­setýimiz qajet.

Prezıdenttiń kezekten tys saılaý týraly úndeýin tyńdaı otyryp, biz onyń esh kúmán men belgisizdikke jol bermeı, barynsha tezirek ótýi kerek degen pikirge keldik.  Bul biz úshin shyn máninde ózekti sheshim, meniń oıymsha, bizdiń Elbasy qoıǵan mindetterge qol jetkizýdegi basty qadam bolady. Biz ony qoldaımyz.

Tatıana SAVISKAIа,

Qaraǵandy oblysy Medıasııa ortalyqtarynyń basshysy

QARAǴANDY