«Respýblıkalyq bıýdjet shyǵystary 2 705 mlrd teńgeni qurady. О́tken jyldyń osyndaı kezeńimen salystyrǵanda ósý qarqyny 119,4%-ti, ıaǵnı 440 mlrd teńgeni qurady. Atqarylǵan qarajattyń 47% áleýmettik salaǵa baǵyttaldy. Sonymen birge bıýdjet qarajaty 28 mlrd teńgege atqarylmady. Onyń 7 mlrd teńgesi únemdeý bolady. Al, ıgerilmeý somasy 21 mlrd teńgeni qurady. Bul 2018 jyldyń 1 sáýirindegi kórsetkishten (89 mlrd teńge) 4 ese az», dedi vedomstvo basshysy.
Mınıstrdiń keltirgen derekterine súıensek, ıgerilmegen somanyń eń kóbi Ádilet mınıstrligine tıesili. Atalǵan vedomstvo 3,4 mıllıard teńgeni ıgermegen. Budan bólek, Ishki ister mınıstrligi – 2,2 mlrd teńge, Mádenıet jáne sport mınıstrligi – 2,2 mlrd teńge, Joǵarǵy sot – 1,8 mlrd tenge, Indýstrııa jáne ınfraqurylymdyq damý mınıstrligi – 1,6 mlrd teńge, Ulttyq ekonomıka mınıstrligi – 1,5 mlrd teńgeni ıgermegen. Al jergilikti bıýdjetterdiń shyǵystary 945 mlrd teńgege ıgerildi. 12 mlrd teńge oryndalmaǵan. Bul kórsetkish byltyrǵy jyldyń osyndaı kezeńimen salystyrǵanda 60%-ke jaqsardy (2018 jyldyń 1 sáýiri – 20 mlrd teńge).
«Respýblıkalyq bıýdjetten óńirlerge 1 112 mlrd teńge nysanaly transfertterdiń qarastyrylǵan. 1 toqsanda olarǵa 171 mlrd teńge bólindi. Onyń 96,8%-i ıgerildi nemese 165 mlrd teńge. 4,7 mlrd teńge ıgerilmedi. Negizgi sebepteri: konkýrstardyń ýaqytynda ótkizilmeýi, kelisim-sharttarǵa qol qoıylmaý, sonyń saldarynan olardy qazynashylyq organdarynda tirkemeý, jumys kestesinen keıin qalý», dedi Á. Smaıylov óz baıandamasynda.
Sondaı-aq Mınıstr 2018 jyly biz memlekettik satyp alýdyń prosedýralaryn jetildirilgenine toqtaldy. «Onyń barlyq prosessteri elektrondy formatqa kóshirildi. Biraq shyǵystardyń ıgerilmeý sebepteri memlekettik basqarýdyń barlyq deńgeılerinde álide bolsa osy konkýrstardyń ýaqytyly ótkizbeýine, olardyń ótpeı qalýyna baılanysty bolyp otyr. Bul jaǵdaı memlekettik organdarda memlekettik satyp alý jumysynyń durys uıymdastyrylmaǵanyn kórsetedi», dedi ol.