Saıysqa ınstıtýttyń 3 kýrs stýdentterinen «Key to life», «Kinest», «Týrbo», «Smard dreams», «Transformers» jáne «Matematıkter» bolyp 6 komanda qatysty. Informatıka jáne bilimdi aqparattandyrý kafedrasy men pedagogıkalyq STEM-parktiń ǵylymı jetistikteriniń kórmesi uıymdastyrylyp, onda stýdentterdiń óz qoldarymen jasalǵan robottary, «Aqyldy úı», «Aqyldy sebet» tárizdi jumystary qoıyldy. Intellektýaldyq saıysty Matematıka, fızıka jáne ınformatıka ınstıtýtynyń dırektory Murat Bekpatshaev ashyp, talantty jas ǵalymdardyń óz shyǵarmashylyq qabiletin shyńdaýyna qoldaý kórsetý úshin ıntellektýaldyq saıystardyń turaqty túrde ótkiziletindigin aıtty. Saıys nátıjesi boıynsha Aqjoltaı Turǵanbaıuly, Aıbar Baqdáýlet, Ernur Jańabaı sekildi jastardan quralǵan «Týrbo» komandasy 3-shi oryndy, Janna Orynbek, Meıirjan Jarqynbek, Aıdos Sadyq sııaqty jastardan quralǵan «Key to life» komandasy 2-shi oryndy, Baǵıla Ábdiqalyqova, Aıgerim Túlendi jáne Jánibek Ábil «Smard dreams» komandasy 1-shi oryndy ıelendi. Informatıka jáne bilimdi aqparattandyrý kafedrasynyń meńgerýshisi, ádil qazylar tóraǵasy Esen Bıdaıbekov kafedra ujymy men Pedagogıkalyq STEM-parktyń dırektory Erbolat Jamenkeevtyń, stýdentterdiń ıntellektýaldyq túrli jobalardy qolǵa alǵandyǵyna toqtaldy. Aldaǵy ýaqytta Informatıka jáne bilimdi aqparattandyrý kafedrasy jáne Pedagogıkalyq STEM-parktyń uıymdastyrýymen qurastyrylǵan robototehnıkalardyń týyndylarymen jáne onyń múmkindikterin keńinen tanystyratyn bolady.
Abaı atyndaǵy QazUPÝ Informatıka jáne bilimdi aqparattandyrý kafedrasy men Pedagogıkalyq STEM-parktyń uıymdastyrýymen jas ǵalymdardyń shyǵarmashylyq qabiletterin arttyrý maqsatynda «Sıfrlandyrylǵan ǵylym-bilim» taqyrybynda ıntellektýaldyq saıys ótti.