Kitap belgili manasshy Meder Mergenbaevtyń qaldyrǵan qoljazbasy negizinde jınaqtalyp, basyp shyǵaryldy. Kóne qoljazba arab grafıkasymen jazylǵan edi. Atalǵan qoljazbada epostyń basqa nusqalarynda joq oqıǵalar men tildik oralymdar bar. Buǵan deıin ol tek qoljazba kúıinde saqtalǵan jáne eshbir jerde jarııalanbaǵan. Tusaýkeser rásiminde sóz alǵan Bishkek Gýmanıtarlyq Ýnıversıtetiniń rektory Abdylda Mýsaev bul irgeli eńbektiń Manastanýdaǵy eleýli orny bar ekenin aıtty.
Jıynda sóz alǵan Qyrǵyz Respýblıkasy prezıdentiniń keńesshisi Sultan Raev «Manas» eposynyń mańyzyn túsindirip ótti.
«Búgingi is-sharaǵa Sooronbaı Sháripuly Jeenbekov jeke razylyǵyn bildirdi. О́te úlken qýanyshpen qabyl alyp, alǵysyn aıtty. «Manas» eposyn jahandaný dáýirinde saqtaý eń basty máselelerdiń biri. О́zderińiz bilesizder qazir jer betinde 38 úlken epos bar. Sonyń ishinde eń kólemdisi – «Manas». Biz Manasty ınnovasııalyq túsinikterdiń kontekstinde qarastyrýmyz qajet» degen oı qozǵady.
Halyqaralyq Túrki Akademııasynyń prezıdenti Darhan Qydyráli «Manas» eposy boıynsha óz jumystaryn ary qaraı da jalǵasa beretinin málimdedi.
«Halyqaralyq Túrki Akademııasy «Manas» eposy boıynsha óz jumystaryn ary qaraı da jalǵastyra beredi. Mamyr aıynyń basynda Almaty oblysynyń ortalyǵy Taldy-Qorǵan qalasynda qyrǵyz-qazaq zııalylarynyń forýmy ótedi. Sonyń aıasynda «Uly dalanyń máńgilik mırasy – Manas» halyqaralyq ǵylymı sımpozıým, Shoqan Ýálıhanovtyń Sary-О́zektegi kúmbeziniń basynda halyqaralyq qyrǵyz, qazaq manasshylardyń «Manas festıvali uıymdastyrylady» dedi D.Qydyráli.
Halyqaralyq Túrki akademııasy epostyń osy varıantyn alǵash ret ǵylymı basylym retinde jáne latyn grafıkasy negizinde shyǵaryp otyr. 1 tomdyq kitaptyń kólemi – 650 bet. Bul shyǵarma – latyn álipbıimen qyrǵyz tilinde shyqqan alǵashqy kitap. Osy ýaqytqa deıin jurtshylyqqa tanys emes bolyp kelgen qoljazbany 1993 jyly qyrkúıek aıynda Bishkek Gýmanıtarlyq ýnıversıtetiniń sol kezdegi rektory, belgili túrkolog-ǵalym Qadyraly Qońqabaev satyp alyp, 2018 jyly shildede Túrki akademııasyna tabystady. Sodan keıin Qyrǵyz Respýblıkasynyń Prezıdenti Sooronbaı Jeenbekovtyń qoldaýymen jáne alǵysózimen baspaǵa ázirlendi. Ǵalymdarǵa tekstologııalyq jeńildik jasaý maqsatymen kitapta qoljazbanyń túpnusqasy faksımılemen bet sany kórsetilip berilip otyrdy.
Meder Mergenbaev – 1896 jyly dúnıege kelgen jáne Qyrǵyzstandaǵy ataqty manasshylardyń biri. Ol 1921 – 1928 jyldar aralyǵynda eldegi Sagymbaı Orozbakov, Saıakbaı Karalaev, Togolok Moldo syndy eposshylardan jyrdyń túrli nusqalaryn jazyp alǵan.
Sondaı-aq Halyqaralyq Túrki akademııasy (TWESCO) Q. Qarasaev atyndaǵy Bishkek Gýmanıtarlyq ýnıversıtetinde óziniń arnaıy ortalyǵynyń tusaýyn kesti.
Is-sharaǵa Halyqaralyq Túrki akademııasynyń prezıdenti Darhan Qydyráli jáne Bishkek Gýmanıtarlyq ýnıversıtetiniń rektory Abdylda Mýsaev qatysty.
Ortalyq Halyqaralyq Túrki akademııasy (TWESCO) shyǵarǵan kitaptarmen jabdyqtaldy. Intellektýaldy ortalyqtan ýnıversıtettiń ustazdar qaýymy men stýdentteri túrkologııa boıynsha tyń aqparattar men paıdaly málimetter alatyn bolady.
Sonymen qatar aldaǵy ýaqytta ıntellektýaldyq kabınet Halyqaralyq Túrki akademııasy men Qyrǵyzstandaǵy stýdenttik jáne ǵylymı ortany baılanystyratyn qural qyzmetin de qosa atqarmaq.
Buǵan qosa 15 sáýir kúni Halyqaralyq Túrki akademııasy (TWESCO) men Q. Qarasaev atyndaǵy Bishkek Gýmanıtarlyq ýnıversıteti arasynda áriptestikti nyǵaıtý jónindegi memorandýmǵa da qol qoıyldy.