Bul týraly Mınıstrliktiń baspasóz qyzmeti habarlady.
Aýyl sharýashylyǵy mınıstri Saparhan Omarov Aýǵanstan Islam Respýblıkasynyń Tótenshe jáne О́kiletti elshisi Mohd Farhad Azımımen kezdesti.
Qazaqstan Respýblıkasynyń Aýyl sharýashylyǵy mınıstrliginde ótken kezdesýde taraptar aýyl sharýashylyǵy salasyndaǵy elder arasyndaǵy yntymaqtastyqtyń mańyzdylyǵyn atap ótti.
Aýǵanstan tarapy aldaǵy 4 jylda AIR-ny azyq-túlikpen qamtamasyz etý úshin Qazaqstannan bıdaı men undy memlekettik satyp alýǵa qyzyǵýshylyq tanytty.Aıta ketý kerek, aýǵan naryǵy - qazaqstandyq bıdaı men unnyń dástúrli ótkizý naryǵy. Qazaqstannan Aýǵanstanǵa bıdaı men un eksporty, 2018/2019 marketıng jyldary (1 shildeden 30 maýsymǵa deıin) úshin 320 myń tonnany jáne 1 028 myń tonnany qurady.
Qazaqstandyq aýyl sharýashylyǵy ónimderiniń negizgi tutynýshylary - soltústik aýǵan óńirleri, sondaı-aq astanalyq aımaq jáne Kabýl qalasy.
Sondaı-aq Aýǵanstannan Qazaqstanǵa ósimdik ónimderin jetkizý máseleleri, ınvestısııalyq yntymaqtastyq máseleleri talqylandy.