Kúnniń alǵashqy sharasy retinde «Infraenergo» JShS bazasynda qala, aýdan ákimderimen, ónerkásip kásiporyndarynyń, bıznes-qurylymdar men kásipodaq uıymdarynyń basshylarymen keńes ótkizildi. Bul zaýyt oblystaǵy iri kásiporyndardyń biri jáne jarylystan qorǵalǵan elektrlik-tehnıkalyq jabdyqty, apparatýrany, baqylaý júıesin, apatqa qarsy qorǵanys jáne sıgnalızasııany daıyndaýmen, montajdaýmen jáne jóndeýmen aınalysady.
Keńeske qatysýshylar jalaqysy tómen qyzmetkerlerdiń eńbek aqysyn arttyrý, jańa jumys oryndaryn qurý, bıznestiń áleýmettik jaýapkershiligin kúsheıtý, az qamtylǵan qyzmetkerlerge áleýmettik kómek kórsetý máselelerin qarastyrdy. Oblysta 11317 ujymdyq shart jasaldy, iri jáne orta kásiporyndardyń 74,1%-i qamtyldy. 118,5 myń adamdy qamtı otyryp, jumys oryndaryn saqtap qalý boıynsha 9,7 myń memorandým jasaldy. Bul rette osy jyldyń basynan beri óńirde jumyskerlerdi jumystan bosatý bolmaǵanyn aıta ketý kerek. Sonymen qatar 43 kásiporynda 704 kóp balaly qyzmetker jumys isteıdi, onyń ishinde 524 adamnyń turǵyn úıi joq. Mysaly, «PSI STROI UNDYSTRYA» JShS-da 95 kóp balaly qyzmetkerdiń 75-i páterge muqtaj.
Oblysta áleýmettik jaýapkershilik tanytýdyń aıqyn mysaly retinde Jambyl aýdanynan «Aqterek» sharýa qojalyǵynyń basshysy Temirlan Shaınúsipovti keltirýge bolady. Ol aýyldastaryn jumyspen qamtamasyz etip qana qoımaı, áleýmettik salaǵa da turaqty járdem berýde. 50 oryndyq «Dárııa-2016» balabaqshasyn, zamanaýı fýtbol alańyn, sondaı-aq «Bolashaq» ámbebap saýda ortalyǵyn saldy. Eń bastysy, ol 2008 jyldan bastap kóp balaly jáne az qamtylǵan otbasylarǵa, sondaı-aq óz sharýashylyǵynyń jumysshylary úshin 105 úı turǵyzdy. Tabysty kásipker óz áriptesterin kóp balaly otbasylarǵa, az qamtylǵan azamattarǵa, sondaı-aq múmkindikteri shekteýli jandarǵa jan-jaqty kómek kórsetýge úndedi.
Shara sońynda Gúlshara Ábdiqalyqova kásiporyndar jáne bıznes-qurylymdar basshylaryn Temirlan Shaınúsipovtiń izgiligine qoldaý kórsetip, halyqtyń áleýmettik qorǵalmaǵan toptaryna júıeli ári jan-jaqty kómek kórsetýge shaqyrdy.
Budan ári G. Ábdiqalyqova 2017 jyly mamyrda ashylǵan Kóp salaly oblystyq balalar aýrýhanasynyń neonataldy ortalyǵyna bardy. Ortalyq jańa quraldarmen jabdyqtalǵan jáne balalar men jańa týǵan nárestelerge mamandandyrylǵan jáne joǵary sapaly hırýrgııalyq, travmatologııalyq kómek kórsetedi. Onyń jumysy óńirdegi náresteler óliminiń deńgeıin tómendetý maqsatynda patologııany erte kezeńde anyqtaýǵa jáne aldyn alýǵa baǵyttalǵan. Ortalyq ashylǵannan beri 398 naýqas emdelgen, onyń ishinde 25-i — jańa týǵan náresteler. Bul rette 189 ota júrgizilgen, onyń ishinde 18 sábıge ota jasalǵan. Buǵan deıin Taldyqorǵan qalasynda jańa týǵan nárestelerge ota jasalmaıtyn.
Jumys saparynyń sońynda QR Premer-Mınıstriniń orynbasary «Qaratal» shaǵyn aýdanyndaǵy stýdentterge arnalǵan jataqhana qurylysynyń barysymen tanysty. Qurylysy aıaqtalmaǵan qonaq úı ǵımaratyn qaıta jańǵyrtýdyń arqasynda qalada 288 oryndyq zamanaýı stýdentter jataqhanasy turǵyzylyp, onyń mańyndaǵy aýmaq abattandyrylady. Jobanyń jalpy quny 2,4 mlrd teńgeni quraıdy.
Osymen Úkimettik delegasııa Almaty oblysyndaǵy jumysyn aıaqtap, Qaraǵandy oblysynyń Jezqazǵan qalasyna bet aldy.