Konferensııa jumysyna 180 delegat qatysty. Jıynda partııa Tóraǵasy Nursultan Nazarbaevtyń «Halyqqa kómek», «Baqytty otbasy», «Qutty meken» jobalarynyń iske asyrylý jaıy talqylandy.
Jıyn barysynda oblys ákiminiń orynbasary Oljas Smaǵulov jobalardyń oryndalýy boıynsha baıandama jasady.
Onyń aıtýynsha, joba aıasynda, kóp balaly jáne turmysy tómen otbasyna qosymsha kómek kórsetý tapsyrmasyna saı bıylǵy jyly halyqtyń áleýmettik osal toptaryna 720 páter beriledi. Jalpy turǵyn úımen qamtamasyz etý máselesi oblys basshylyǵynyń erekshe nazarynda tur. Ony sheshý úshin bıýdjetten tys qarjy kózderin tartý josparlanyp otyr, sonyń esebinen jyl saıyn keminde 110 qosymsha páter salynatyn bolady.
«Aýyl el-besigi» jobasyna oblysta 1,2 mlrd qarjy bólinedi. Atap aıtqanda, aýyldarda deneshynyqtyrý-saýyqtyrý kesheni salynyp, kóshelerdi jóndeý jáne kógaldandyrý bastalady. «Qutty meken» jobasy boıynsha osy jyly 18 aýyldyq eldimekendi gazdandyrý jumystary bastalady.
Konferensııa sońynda «Nur otan» partııasynyń kezekten tys 19-shy sezine delegattar saılandy.
«Bul úlken senim, ári jaýapkershilik. Oblysymyzdy jetkilikti túrde tanytasyzdar degen senimdemin», - dedi aımaq basshysy saılanǵan delegattarǵa.