Osy mejedegi eki básekede favorıtter utylyp qaldy. Máselen, Gollandııanyń «Aıaksy» Italııanyń «Iýventýsyn» jeńedi dep eshkim oılaǵan joq. О́z alańynda Qyzǵaldaqtar eliniń ókilderi teń oınady – 1:1. Esesine Týrınde ótken kezdesýde qonaqtar jeńiske jetti – 2:1.
Anglııanyń qos klýbynyń ózara derbıi tolassyz goldarǵa toly boldy. Londonda ótken alǵashqy matchta «Tottenhem» 1:0 esebimen basym túsken edi. Qarymta oıynda 4:3 esebimen «Manchester Sıtı» utty. Syrt alańda kóbirek gol soqqan astanalyqtar kelesi aınalymǵa ótti.
Al «Barselona» men «Lıverpýldiń» ústemdigi esh kúmán týǵyzǵan joq. Ispandyqtar eki básekede de «Manchester Iýnaıtedti» (1:0, 3:0) utty. Sol sekildi aǵylshyndar «Portýdan» (2:0, 4:1 ) aılasyn asyrdy.
Jartylaı fınalda «Barselona» men «Iýventýs» jáne «Tottenhem» men «Aıaks» kúsh synasady. Alǵashqy matchtar 30 sáýirde jáne qarymta kezdesýler 7 mamyrda ótedi.