«Uly dala án men jyry, aqyndyqtyń jeti qyry» atty Respýblıkalyq týr 25-sáýir Taldyqorǵan qalasynda bastalyp, keshter legi Semeı, Pavlodar, Aqtaý, Qaraǵandy, Jańaózen, Petropavl, Oral, Taraz - bas-aıaǵy 22 qalada jalǵasyn tabady dep josparlanýda. Bul jóninde búgin, Ortalyq kommýnıkasııalar qyzmetinde Qazaqstan Respýblıkasy Mádenıet jáne sport mınıstri Arystanbek Muhamedıuly, elimizdiń belgili aıtysker aqyndary Balǵynbek Imash, Aınur Tursynbaeva, Sara Toqtamysova, Jandarbek Bulǵaqov baıandady.
«Respýblıkalyq týr Bul aýqymdy jobanyń eń basty maqsaty - qazaq halqynyń arasynda, qazaq jeriniń túkpir-túkpirinde aıtysty keńinen baǵyshtaý. «Uly dalanyń jeti qyry» maqalasynda kórsetilgen basymdyqtar qazaq halqynyń tól ónerine, folkloryna qatysty. Al sonyń ishinde aıtys óneri erekshe oryn alady. «Uly dala án men jyry, Aqyndyqtyń jeti qyry» jobasynyń aıasynda aıtys óneriniń ótkenine taǵzym berilip qana qoımaı, qoǵamdyq sanany modernızasııalaý barysynda aıtysty búgingi zamannyń kelbetine qalaı ıkemdeletini, jańǵyrýyna qandaı úles qosatyny ashylady», - dedi Qazaqstan Respýblıkasy Mádenıet jáne sport mınıstri Arystanbek Muhamedıuly.
«Uly dala án men jyry, Aqyndyqtyń jeti qyry» jobasynyń aıasynda aıtys óneriniń ótkenine taǵzym berilip qana qoımaı, qoǵamdyq sanany modernızasııalaý barysynda aıtysty búgingi zamannyń kelbetine qalaı ıkemdeletini, jańǵyrýyna qandaı úles qosatyny ashylady. Jıyrma eki qalada oryn alatyn ǵalamat án men jyrdyń sherýi shoý elementterin qamtıdy. Demek, jıynnyń, toı-tomalaqtyń deńgeıinen aıtys aýqymdy aýdıtorııanyń qabyldaýyna laıyq tolyqqandy mádenı shara retinde kóteriledi.
Sonymen qatar, Respýblıkalyq týrdyń aıasynda 1-mamyr kúni Almaty qalasynda, AlmatyArena muz aıdynynda aıtysker aqyn Balǵynbek Imash óner jolynyń jıyrma bes jyldyǵyna arnalǵan merekelik konsertin ótkizedi.