Sonymen qatar, Qasym-Jomart Toqaev R.Qoshqarbaev atyndaǵy №1 orta mektepke bardy. Memleket basshysy muǵalimdermen jáne oqýshylarmen áńgimelesý barysynda sapaly bilim alý úshin elde barlyq qajetti jaǵdaı jasalǵanyn aıtty.
Qazaqstan Prezıdenti aýyl turǵyndarynyń sany jyldam ósip kele jatqanyn, atalǵan jaǵdaı azamattardyń turmys sapasyna keri áser etpeýi kerek ekenin aıtty. Úshaýysymdy mektepterdiń máselesin sheshýge baǵyttalǵan sharalarǵa erekshe nazar aýdardy.
– Biz bul máseleni jaqsy bilemiz jáne Qosshy aýylynda 1200 oryndyq mektep salýdy josparlap otyrmyz. Tıisti qarajat bólindi. Atalǵan másele meniń baqylaýymda bolady, – dedi Qasym-Jomart Toqaev.
Memleket basshysy bul eldi mekenniń halqy resmı eseptelgen mejeden kóp artyp ketkenin aıtty.
– Statıstıkalyq málimet boıynsha kent 16 myń adamǵa eseptelgen. biraq is júzinde 50 myńnan astam halyq turady. Bul aýdannyń áleýmettik salasyna úlken salmaq túsiredi. Atalǵan máseleni oblys basshylyǵymen talqylap, júıeli túrde sheshetin bolamyz, – dedi Qazaqstan Prezıdenti.
Sapar qorytyndysy boıynsha Memleket basshysy Úkimet pen Aqmola oblysynyń ákimdigine kemshilikterdi qalpyna keltirýge jáne aýyldy odan ári damytýǵa naqty tapsyrmalar berdi.