Kezdesýge, sondaı-aq, astanalyq shirkeý okrýginiń ókili Arhımandrıd Sergıı qatysty. Baqyt Sultanov mıtropolıtti jáne barsha pravolav hrıstıandaryn Pasha aldyndaǵy jeksenbi merekesimen jáne kele jatqan Pashamen quttyqtady. Ákim qala turǵyndarynyń rýhanı ómirindegi Pravoslav shirkeýiniń mańyzdy rólin, onyń beıbitshilik pen tynyshtyqty nyǵaıtýdaǵy úlesin atap ótti.
Ol merekelerdi uıymdastyrý jáne ótkizý barysynda Nur-Sultan qalasynyń ákimdigi tarapynan qaýipsizdiktiń qamtamasyz etiletindigin alǵa tartty. Qazaqstan mıtropolıt okrýginiń basshysy óz kezeginde Máskeý jáne búkil Reseıdiń Qasıetti Patrıarhy Kırılldiń batasymen 12 mamyrda Qazaqstanǵa Reseıden Asa qasıetti Qudaı ananyń beınesi bar ǵajaıyp Feodorov ıkonasynyń jetkiziletinin málimdedi. Bul – Qudaı ananyń beınesi bar eń kóne ıkonalardyń biri. Onyń turaqty orny – Qostroma qalasyndaǵy Bogoıavlensk-Anastasııa kafedraly sobory.
Sonymen qatar, kezdesýde elordadaǵy tórtinshi pravoslav shirkeýi qurylysynyń barysy sóz boldy. Kezdesý qorytyndysy boıynsha mıtropolıt Aleksandr rızashylyǵyn bildirip, Baqyt Sultanovqa konfessııaaralyq qarym-qatynasty qoldaǵany jáne nyǵaıtqany úshin alǵys hatty tabystady.