Ekinshi dúnıejúzilik soǵysy batyrlarynyń esimimen atalǵan kósheler men dańǵyldardy jáne eskertkishterin tazalaǵan jastar ardagerlerdiń úıine baryp, kómek kórsetti. Jastar sany 50 myńnan asatyn Kentaýda S.Qojanov saıabaǵyndaǵy «Azaly ana» stellasyna, «Kenshiler» saıabaǵyna, Qonaev dańǵylyna tazalaý jumystary júrgizildi. «Nur Otan» partııasy Kentaý qalalyq fılıalynyń uıymdastyrýymen qala jastary alleıalardy artyq shópterden tazartyp, gúl egetin oryndardy daıyndady. Partııanyń qalalyq fılıaly tóraǵasynyń orynbasary Saǵynbek Asylbekovtiń aıtýynsha, mundaı sharalar josparly túrde ǵana emes, udaıy ótkizilip turatyn bolady. «Biz mundaı aksııalardy jıi ótkizip turamyz. Qaladaǵy árbir oqý oryndary ár ardagermen turaqty baılanys ornatqan. Iаǵnı, jaǵdaılaryn bilip, ózindik kómekterin kórsetip turady. Emhanamen birlese uıymdastyratyn «Ardager densaýlyǵy» atty aksııada densaýlyqtary tekseriledi. Odan bólek, erikti jastar úılerine baryp aýlasyn tazalap, otyn-sýyn daıyndap, úıishilik jumystaryna kómektesedi» –deıdi, qalalyq Jastar resýrstyq ortalyǵynyń dırektory Qanat Bekmetov.
Ardagerlerdiń úıinde bolyp jaǵdaıyn bilgen jastar syı-sııapat jasap, kónekóz qarııalardyń áserli áńgimelerin tyńdap, batasyn aldy.