Mańǵystaýdan Londonǵa attanǵan ulan

Sársenbi, 18 shilde 2012 7:34

Mańǵystaýdyń qazaq sportyndaǵy salmaǵy ázir bokstyń tarazysyna túsip tur. Buǵan deıin aty Erdos Jańabergenovpen shyqqan ólke London Olımpıadasyndaǵy úmitin Ádilbek Nııazymbetovke artyp otyr. Álem halqy siltideı tynyp nazar aýdaratyn úlken rıngke Qazaqstannyń kók baıraǵyn jelbirete bet alatyn toǵyz saıypqyran boksshymyzdyń biri ol.

Sársenbi, 18 shilde 2012 7:34

Mańǵystaýdyń qazaq sportyndaǵy salmaǵy ázir bokstyń tarazysyna túsip tur. Buǵan deıin aty Erdos Jańabergenovpen shyqqan ólke London Olımpıadasyndaǵy úmitin Ádilbek Nııazymbetovke artyp otyr. Álem halqy siltideı tynyp nazar aýdaratyn úlken rıngke Qazaqstannyń kók baıraǵyn jelbirete bet alatyn toǵyz saıypqyran boksshymyzdyń biri ol.

Á.Nııazymbetov 23 jasta. 10 ja­­syn­da atasynyń jetekteýimen al­ǵash aýyldaǵy qazaq kúresi úıirme­siniń tabaldyryǵyn attaǵan ol artynsha boks seksııasyna aýys­ty. Qarshadaı uldyń bulaı etýine esh­kim keńes te bergen joq, eshkim qol­qalaǵan da joq. О́z túısigi, óz tań­daýy. Anyǵynda, óz qabiletińe qa­raı árekettenýdiń nátıjeli bo­latyndyǵynyń naqty kórinisi.On úsh jyl úzilissiz jat­ty­ǵý­men ótti, sport zaldyń ta­baldy­ry­ǵyn kún qurǵatpaı attaýdy daǵdyǵa aınaldyrdy. Rasynda, ata-anasy ul­da­rynan úlken sportshy shyǵady dep oılamapty, tek er balanyń sporttan habardar jáne qaıratty bolǵany jón degen qy­zy­ǵý­shy­lyq­pen qaraǵan. Uldary 6-synypta oqyp júrgende О́zbek­stannyń Jy­zaq  qalasynda A.Vadaýovty es­ke alý týrnırinen aýyldan attan­ǵan 7 jasóspirimniń arasynan jal­ǵyz ózi jeńimpaz bolyp oralǵanda da kez­deı­soqtyq retinde qabyl­daǵan. Bi­raq, tastúlek qyran­nyń tomaǵasy sypyrylar jul­dyzdy sát alda eken, ıaǵnı Jańaózenge ju­mysqa orna­lasqan ákesi Sábıt uly jaıly qazaq je­rindegi jattyqty­rý­shy­lar­ǵa aıtady. Kóp uzamaı kish­ken­taı Ádil­bekti Jańaózenge aldyryp, Aq­taýda ótken saıysqa qa­tystyryp baıqaıdy. Rıngte judy­ryqtaı tú­ıilip, asyqtaı úıirilip balań qa­dammen oınaq salǵan ulan­nyń boıynan ózindik mashyq-má­nerdi ań­ǵarǵan kánigi jattyqty­rýshylar – Marat Jákıev pen Jeńis Jaryl­ǵapov Sábıt aǵaǵa Ádilbekti Aq­taýda qaldyrsa, ózderi baýlyp-baptaıtynyn aıtyp usy­nys bildiredi.Erdiń baǵy el men jerdiń kıe­sin ańsaǵan bolýy kerek, Ádil­bek­tiń de juldyzy qazaq jerine, kıeli Mań­ǵystaýǵa kelip, óz aǵa­lary aldynda jattyqqan soń jarqyraı tústi. Aýyl  arasyn­daǵy saıystarda talaı ret top jarǵan Ádilbek 2007 jyly Azııa chempıony atanyp, ózin moıyndata tústi. 2008, 2009 jyldary qatary­nan Qazaq­stan chemıony bolsa, 2010 jyly Moń­ǵolııada ótken stýdentter chem­pıonatynan qola júl­demen oraldy.Ol úshin tabysty jyl 2011 jyl boldy. Bul jyly Bakýde ót­ken Álem chempıonatynda 2-oryndy ıe­lenip, London Olımpıadasyna joldamany qanjyǵasyna baılap qaıt­ty. Osylaısha ár jylyn sportpen ózektestire órgen Nııazymbetov mıl­lıondaǵan otandastary arasynan el úmitin arqalap shyqqan aǵa­larymen birge Lon­donǵa attanady.Jerlesteri «Jeńispen joly­ǵa­ıyq!» dep aq tilekpen, «Mańǵys­taý­dyń oıyndaǵy 362 áýlıe jar bolsyn!» degen  aq batamen alys jol­ǵa attandyryp salǵan Ádilbek qazir Astanada daıyndyǵyn damytý ús­tinde.  81 kg. salmaq dáre­je­sinde syn­ǵa túsetin ol qarsylas­tarynyń osal bolmaıtynyn biledi, óıtkeni Olımpıadaǵa tek árbir eldiń saqa­daı saılanǵan sańlaq sport­shylary keletinin jaqsy tú­sinedi. Alǵashqy rıngten bastap, fınaldyq oıyndar syndy úlken taıtalaspen ótetin synda óz seni­min serik etetinin, táýelsiz Qazaq­stannyń mereıi úshin bar jigerin jumsaıtyndyǵyn telefon arqyly jetkizdi.«Ol otbasymyzdaǵy eki uldyń kenjesi, eki qaryndasy bar. Kishi qyzym Qumar kekýshınkaı-karateden sport sheberligine kandıdat. Sport joly ońaı emes qoı, kúnde erte turyp júgirip, bir tynym tappaıtyn balamdy keıde aıaımyn. Biraq, osy qıyndyqtardyń bar­lyǵy oǵan Olımpıadaǵa jol ashty. Qazir jatsam-tursam tilegin tilep júrmin, ol ózine senim art­qan kúlli qazaqtyń júzin jerge qa­rat­pasa eken deımin», deıdi ákesi Sábıt.Keshe ǵana Aqtaý qalasyndaǵy Kas­pıı memlekettik tehnologııalar jáne ınjınırıng ýnıversıteti sport fakýltetiniń dıplomyn ıelengen Á.Nııazymbetov London Olım­­­­pıa­da­syna joǵary bilimdi sportshy retinde qatyspaq. «Baǵyń men babyń qatar atoılasyn!» Barsha qazaqtyń tilegi osy ekendigi anyq.Marat JÁKIEV, jattyqty­rýshysy:– Sportshyǵa keregi – eńbek­qor­­lyq, tabandylyq, jaýap­ker­shilik. Ádilbekte osy qasıetter bar. Maq­satyna jetý jolynda ózin aıamaı qamshylaıtyny unaıdy. Babyna kelý sátin rıngke shyǵar sát­ke to­qaılastyryp otyrmyz, áıt­pese babyna búgin kelse, erteń naq­ty qajet sátte qojyrap ketýi múm­kin. Bylaıǵy halyq túsine bermeýi de múmkin, sporttyń óz qaǵıdalary men talaptary, ter­mın­deri, kerek deseńiz yrym-tyıymy da bolady. Sondyqtan, Ádilbektiń jaraý qa­lypqa túsken qalpyn keıinge yǵys­­­tyryp otyrmyz. Olımpıa­daǵa saı­dyń tasyndaı iriktelgen jigitter keledi, barlyǵy da basty qarsylas. Ádilbek buryn kýbalyq Hýlıo Lakrýzben eki ret kezdesip, alǵashynda odan utylyp, ekin­shisinde esepti túzetken bolatyn. Reseıdiń bereni Egor Mehonsevten eki ret utylyp qalǵan edi. Múmkin, Olımpıada osy olqylyqtyń ornyn toltyrýǵa berilgen múmkindik  bolar?Qysqasy, qazaqtyń qara bala­synyń qaıratyn endi London tórinen kóretin bolamyz.Sergeı PAHOMOV, Mań­ǵys­taý oblystyq týrızm, dene tár­bıesi jáne sport basqarmasynyń bastyǵy:– Elbasy sport salasyn kó­terýge, turǵyndardy sportqa tar­týǵa basa nazar aýdaryp, naqty tapsyrmalar berip otyr. Jyl sa­ıynǵy joldaýlarynda jáne keshegi «Jal­pyǵa Ortaq Eńbek Qoǵamyna» oraı bergen 20 tapsyrmasynda sportty damytý týraly aıtyldy.  Son­dyq­tan, Mańǵys­taý­da sport  salasyn da­mytý úshin qyrýar josparlar bar. Sport zaldar sany­nyń je­tispeýshiligin azaıtý, Sport saraıy men Sport qa­lashyǵyn salý jáne Olımpıada sportshylaryn daıdyndaý – ju­mysymyzdyń basty maq­saty. Biz­diń oblystan XXX Jazǵy Olımpııa oıyndaryna bokstan Ádilbek Nııazymbetov pen jeńil atletıkadan Denıs Semenov lısenzııa aldy. Al Nııazymbetov – talaı synnan ótken júırik qoı, basty se­nimimiz de onyń jaýap­kershiliginde. Jaq­sylyqpen jolyn tosamyz.

Gúlaıym ShYNTEMIRQYZY,«Egemen Qazaqstan».

Mańǵystaý oblysy.