Memleket basshysy Nursultan Nazarbaev Almaty oblysynyń Aqsý aýdanyndaǵy “Qyzylaǵash” sý qoımasyndaǵy bógettiń buzylýy saldarynan qaıtys bolǵandardyń otbasylaryna kóńil aıtý jedelhatyn joldady, dep habarlady Qazaqstan Respýblıkasy Prezıdentiniń baspasóz qyzmeti.
“Adam ólimine ákelip soqqan Almaty oblysynyń Aqsý aýdanyndaǵy “Qyzylaǵash” sý qoımasynda oryn alǵan apat týraly habardy qaıǵyra qabyl aldym. Qazaqstan halqynyń jáne jeke ózimniń atymnan qaıtys bolǵandardyń týǵandary men jaqyn týystaryna, sondaı-aq apat saldarynan zardap shekkenderdiń barlyǵyna qaıǵyryp kóńil aıtamyn”, delingen kóńil aıtý jedelhatynda.
Prezıdenttiń tapsyrmasy boıynsha apattyń oryn alý sebebi men onyń saldarlaryn joıý jáne zardap shekkenderge qajetti kómek kórsetý úshin úkimettik komıssııa quryldy.