Qazaqstandyq tennısshi Dmıtrıı Popko AQSh-ta ótken ITF sanatynda jatatyn halyqaralyq týrnırdiń jeńimpazy atandy.
Júlde qory 15 my AQSh dollaryn quraǵan jarystyń bastapqy básekelerinde ol domınıkandyq Joze Olıvares, bolgarııalyq Adrıan Andreev, kolýmbııalyq Felıppe Mantılonyń mysyn bassa, jartylaı fınalda amerıkalyq Djon Harrıson Rıchmondtan basym tústi. Al aqtyq synda Popko Argentınanyń ókili Avgýstın Velottıden 2:1 (6:0, 5:7, 6:3) esebimen aılasyn asyrdy.
Bul Dmıtrıı Popko úshin bıylǵy maýsymdaǵy altynshy jeńisi. Osy kúnge deıin ol ITF Futures serııasyna jatatyn AQSh-taǵy úsh jáne Túrkııadaǵy eki týrnırde top jarǵan bolatyn.