Qazaqstandyq bylǵary qolǵap sheberleri arasynan alǵashqy bolyp sharshy alańǵa shyqqan asa jeńil salmaqtaǵy Temirtas Júsipov jartylaı fınalda kúsh synasý qurmetine ıe boldy. Shırek fınalda ol fılıppındik Ramel Makadomen qolǵap túıistirdi. Ekinshi raýnda eki boksshynyń da qabaǵynan qan ketýine baılanysty báseke toqtatyldy. Soǵan deıin jıǵan upaı sandaryna baılanysty tóreshilerdiń sheshimi boıynsha jeńis qazaq boksshysyna berildi.
Sanaýly ýaqytta keıin Qaırat Erálıev (56 keli) pen Darıǵa Shákimov (69 keli) rıngke kóteriledi. Qaırat úndistandyq Kavınder Sıngh Bıshtpen, al Darıǵa mońǵolııalyq Erdenetýıa Enhbaatarpen judyryqtasady.
Osy jarystyń keshki baǵdarlamasynda taǵy úsh jerlesimiz sharshy alańǵa shyǵady. Alýa Balqybekova (48 keli) fılıppındik Djozı Gabýkomen, Sanatáli Toltaev (64 keli) ırandyq Amırı Mahsýd Malmen (Iran) jáne Bek Nurmaǵanbet (81 keli) ózbekstandyq Dilshodbek Rýzmetovpen kúsh synasady.