Aǵymdaǵy jyldyń 22 sáýirinde Koreıa prezıdenti Mýn Chje Innyń Qazaqstanǵa memlekettik sapary aıasynda Qazaqstan-Koreı saýda-ekonomıkalyq jáne ǵylymı-tehnıkalyq yntymaqtastyq jónindegi úkimetaralyq komıssııasynyń qoldaýymen júzege asyrylatyn 2019-2022 jyldarǵa arnalǵan «SAMALJEL» atty jańa ekonomıkalyq yntymaqtastyq baǵdarlamasyna qol qoıyldy.
Qujatqa Qazaqstan Respýblıkasynyń Indýstrııa jáne ınfraqurylymdyq damý mınıstri Roman Sklıar men Koreıa Respýblıkasynyń Saýda, ındýstrııa jáne energetıka mınıstri Son Iýn Mo qol qoıdy.
«SAMAL JEL» baǵdarlamasy kólik jáne logıstıka, qurylys, ónerkásip, ınfraqurylymdy damytý, taý-ken metallýrgııa jáne jer qoınaýyn paıdalaný, saýda-ekonomıkalyq yntymaqtastyq, energetıka, ınnovasııa jáne AKT, aýyl sharýashylyǵy, qarjy, densaýlyq saqtaý men mádenıet, týrızm jáne bilim berý sııaqty salalarda naqty 58 jobany iske asyrýdyń jáne 10 óriste keshendi ózara is-qımyldy qamtıdy.
Buǵan qosa, qazirgi ýaqytta paketi 7,2 mlrd AQSh dollaryn quraıtyn Qazaqstan-Koreı ındýstrıaldy-ınnovasııalyq 40 joba bar. Onyń ishinde jalpy somasy1,9 mlrd AQSh dollaryn quraıtyn 19 joba iske asyryldy, 2,1 mlrd AQSh dollarynyń 6 jobasy iske asyrylýda jáne 3,2 mlrd AQSh dollaryn quraıtyn 15 perspektıvalyq jobany iske asyrý «SAMAL JEL» baǵdarlamasynda qarastyrylǵan.
Koreıa belsendi bıznes-yntymaqtastyq jáne bıznestegi eki jaqty túrli baılanystardy ornatý arqyly qamtamasyz etiletin birlesken kásiporyndardyń sany boıynsha alǵashqy ondyqqa kiredi. Búgingi tańda Qazaqstanda koreı kapıtalynyń qatysýymen 500-den astam kásiporyn jumys isteıdi.