– Qasym-Jomart Toqaev osy kezge deı̆in eń mańyzdy məseleniń biri – bılik pen qoǵamnyń birligin kórsetip keldi. Sondyqtan Nur Otan partııasynyń ony prezıdenttikke kandıdat retinde usynýy qaı̆ turǵydan da qısyndy əri zańdy dep aı̆týǵa bolady.
Q.Toqaev – Qazaqstandaǵy əlemge tanymal birden-bir azamat, aldyńǵy bestikte atalatyn úlken qaı̆ratker. Ol elimizdiń syrtqy saıası doktorınasyn qalyptastyrý, ony júzege asyrý isine belsendi aralasty, Birikken Ulttar Uı̆ymy Bas hatshysynyń orynbasary boldy, Qazaqstannyń Premer-Mınıstri qyzmetin atqardy.
Prezıdenttiń ózi ótkende saı̆laýdy ashyq, anyq əri ədil ótkizý kerek dep aı̆tty. Menińshe, bul is-sharany sol aı̆tylǵandaı̆ ótkizýge bolady. Sebebi qazirgi jaǵdaı̆da burynǵydaı̆ úlken paı̆yzdar yqpal etpeı̆di, ıaǵnı 99 paı̆yz alýdyń nemese halyqty bir baǵytqa úgitteýdiń eshqandaı̆ qajeti joq. Bul shyn məninde úmitkerlerdiń bərin qatystyryp, bolashaq parlamenttik nemese basqa saıası naýqandardyń basy bolatyn, solardyń mazmunyn ashatyn, bəsekeli, tartysty, jaqsy saı̆laý ótkizýge múmkindik beredi dep oı̆laı̆myn.
Aı̆dos SARYM, saıasattanýshy