Bıyl bul festıvalge 21 elden 74 beınerolık qatysyp, olar úsh nomınasııa boıynsha baǵalandy: «Týrıstik destınasııa», «Týrıstik ónim» jáne «Tabıǵat jáne ekotýrızm». Qatysýshylar men nomınanttar arasynda Ispanııa, Portýgalııa, Qytaı, Indonezııa, Birikken Arab Ámirlikteri, Avstrııa jáne basqalary boldy.
Qazaqstannyń Bolgarııa Respýblıkasyndaǵy Elshiliginiń bastaýymen jáne Qazaqstannyń Varna qalasyndaǵy Qurmetti konsýldyqtyń belsendi qatysýymen aqpan aıynda XVI Halyqaralyq týrıstik fılmder festıvaline qatysýǵa ótinish berildi.
Birinshi kezeńde 74 rolıktiń 44-i kelesi týrǵa ótti, onyń ishinde Qazaqstan týraly beınerolık te bar edi. Ekinshi kezeńde «Týrıstik destınasııa» nomınasııasynda taǵy 3 rolık: Birikken Arab Ámirlikterinen 1 rolık jáne Estonııadan 2 rolık saıysqa túsip, «Biz qaıda baramyz?» rolıgi jeńimpaz atandy.
Festıval aıasynda Qazaqstan týraly beınerolık sondaı-aq Velıko-Tyrnovo qalasynyń ortalyq alańynda kórsetildi.
XVI «On the East Coast of Europe» (Eýropanyń Shyǵys jaǵasynda) Halyqaralyq týrıstik fılmder festıvali bıyl 16-shy ret ótkizilip otyr. Barlyǵy osy ýaqytqa deıin 98 elden 1076 qatysýshy festıvalge qatysyp, týrızm taqyrybyndaǵy túrli fılmder men jarnamalyq rolıkterin kórsetti.
«Kazakh Tourism» Ulttyq kompanııasy» aksıonerlik qoǵamy 2017 jyly Qazaqstan týrızmin shet elde jarnamalaý jáne salaǵa ınvestısııa tartý maqsatynda qurylǵan. «Biz qaıda baramyz?» beınerolıgi 2018 jyly halyqaralyq telearnada kórsetý úshin túsirilip, áleýmettik jelilerde vırýstyq jolmen tarap ketken bolatyn.
Atap ótý kerek, 2018 jyldyń qorytyndysy boıynsha bul rolık tanymal reseılik saıahat týraly tutu.ru saıtynyń nusqasy boıynsha jyldyń eń jaqsy beınebaıany retinde tanylǵan.