Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
Almaty qalasynda QR Indýstrııa jáne ınfraqurylymdyq damý birinshi vıse-mınıstri Qaıyrbek О́skenbaevtyń qatysýymen «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri jóninde ózgerister men tolyqtyrýlar engizý týraly» Zań jobasy boıynsha aýdan ákimderimen jáne PIK ókilderimen kezdesý ótti.Kezdesýde TKSh máseleleri boıynsha keıbir zańnamalyq aktilerge engizilgen ózgerister men tolyqtyrýlar túsindirildi. Onda «Bir úı - bir birlestik - bir shot» qaǵıdaty boıynsha «múlik ıeleriniń birlestigi» kommersııalyq emes uıymynyń jańa formasyn qurý arqyly basqarý organdarynyń qyzmetin retteý máseleleri sóz boldy.Usynylǵan prınsıp árbir úıdi basqarýdyń jeke tásilin qarastyrady. «Árbir múlik ıeleriniń birlestigi jeke aǵymdaǵy jáne jınaq shottaryn ashady.Bul shara PIK jáne basqarýshy kompanııalar tarapynan menshik ıelerine qyzmetter men tarıfterdi tańdaýdy boldyrmaıdy jáne turǵyndar qarajatynyń ashyq jumsalýyn qamtamasyz etedi. Sondaı-aq óz basqarý organdary arqyly nemese basqarýshy kompanııalar arqyly shart negizinde turǵyndarǵa basqarý tásilin tańdaý quqyǵyn beredi.Atalǵan zań jobasy aıasynda lıftilerge qyzmet kórsetýmen aınalysatyn zańdy tulǵalardy attestattaýdan ótkizý máselesi de qarastyrylýda», - dedi Q. О́skenbaev. Turǵyn úı-kommýnaldyq sharýashylyq sýbektileriniń ózara qarym-qatynasyn retteýge jańa túzetýler engizýge, sondaı-aq jaıly jáne qaýipsiz ómir súrý ortasyn qurý arqyly halyqtyń ómir súrý sapasyn arttyrady.Bul shemaǵa jergilikti atqarýshy organdar da qatysady, olar basqarý organynyń ótinishi boıynsha kúrdeli jóndeý júrgizý qajettiligi týraly sheshim qabyldaıdy, jobalyq-smetalyq qujattamany ázirleýdi uıymdastyrady, tehnıkalyq tekserý men energııa aýdıtin júrgizedi. Basqarý organdary qyzmetiniń ashyqtyǵyn arttyrý úshin Zań jobasynda barlyq qatysýshylarǵa bıznes-prosesterdiń ashyqtyǵyn qamtamasyz etetin turǵyn úı-kommýnaldyq sharýashylyǵynyń aqparattyq júıesin qurý qarastyrylýda. Aqparattyq júıede turǵyndar úı boıynsha shyǵyndar men tabystardy baqylap, esepteýler men eseptesýdiń durystyǵyn teksere alady. Sonymen qatar, turǵyndardyńóz basqarý organynyń qyzmetine monıtorıng júrgizip, turǵyn úı-kommýnaldyq sharýashylyq máseleleri boıynsha ótinishter berýge múmkidikteri bolady. Budan bólek, turǵyndar elektrondy daýys bere alady jáne úıdiń barlyq máseleleri boıynsha syrtta júrip te qatysý múmkindigi týady. Turǵyn úı-qurylys kooperatıvteriniń qyzmetindegi zań buzýshylyqtardy boldyrmaý úshin kooperatıv tek bir kóp páterli turǵyn úı úshin qurylatyn shema usynady, kooperatıv músheleriniń sany páterlerdiń sanynan aspaýy tıis jáne qurylys memlekettik tirkeýden keıin jáne jalǵa alý quqyǵyndaǵy nemese menshik quqyǵyndaǵy jer ýchaskesi bolǵan soń júzege asyrylatyn bolady. Zań jobasy aıasynda jergilikti atqarýshy organdardyń turǵyn úı ınspeksııasyn áleýmettik ınfraqurylym obektilerinde gazben jabdyqtaý obektileriniń qaýipsiz paıdalanylýyn, sondaı-aq qaýipti tehnıkalyq qurylǵylardy baqylaý jáne qadaǵalaý quzyrettilikterin berý kózdelgen.