О́ńirde jyl basynan beri 18 mal urlyǵy tirkelgen. Qylmystyń bul túri erekshe baqylaýǵa alynǵanymen, erkinsip alǵan barymtashylardyń seskener túri baıqalmaıdy.
«Tańba qoıý jáne syrǵa taǵý jumystary qylmystardy ashýǵa belgili dárejede yqpal etkenimen jetkiliksiz. Sondyqtan mal urlaýshylarǵa qarsy keshendi is-qımyl sharalaryn uıymdastyrýdy belgilep otyrmyz»,- deıdi krımınaldyq polısııa basqarmasynyń bastyǵy Petr Klımov.
Aıyrtaý aýdanynda polısııa qyzmetkerleri jeńil avtokóliktiń júksalǵyshyna eki buzaýdy tıep, áketip bara jatqan eki adamdy ustaǵan. Ýálıhanov aýdany turǵyndarynyń qoradaǵy maldaryn qoldy etip, eki aı boıy tynyshtyq bermegen tórt adam quryqtalǵan.
Jedel ýákilderdiń aıtýynsha, belgi salynǵan maldy tasymaldaý urlyqshylarǵa ońaı soqpaıdy. Derekter bazasy arqyly tasymaldanyp jatqan sıyrlar men jylqylardy tekserip, ıelerin tez-aq anyqtaıdy. Endi baqtashy, jergilikti atqarýshy organ jáne mal ıeleri arasynda úshjaqty kelisim- shart jasaý arqyly árqaısysynyń jaýapkershiligin arttyrý kózdelgen. Budan bylaı baqtashylardyń maldy qaraýsyz qaldyratyn jaǵdaılary seıiledi degen senim zor.
Sońǵy kezde aýdandyq polısııa bólimderiniń qyzmetkerleri kvadrokopterler kómegine júgine bastady. Urlanǵan jáne joǵalǵan maldy izdeý úshin drondardy qoldaný birden-bir tıimdi ádis bolyp tabylady. Atalǵan apparattardy satyp alýǵa tıisti qarajat qarastyrylǵan, deıdi olar.